Modification de JavaScript

{{infobox/articulo}}
'''JavaScript''' es un [[linguage de programmation]] popular create per [[Brendan Eich]] a [[Netscape Communications Corporation]] pro uso in le [[navigator del web]] [[Netscape Navigator]]. In reaction, imitationes plus o minus compatibile de illo esseva incorporate in practicamente tote le altere [[Navigator web|navigatores web]] sub varie nomines (como ''JScript'' de [[Microsoft]]). Programmettas ''(scripts)'' in JavaScript pote esser incastrate in qualcunque [[pagina del web]] e pote tractar [[Dato|datos]] e modificar le presentation del codice [[HTML]] del [[pagina web]] in question.

== Denominationes ==

Durante su disveloppamento, JavaScript ha essite appellate ''LiveWire,'' e posteriormente ''LiveScript.'' Proque su syntaxe es aliquanto similar a illo de [[Java (linguage de programmation)|Java]], le linguage esseva pro rationes de marketing renominate JavaScript quando illo esseva publicate, causante un impression false e durabile inter le publico que JavaScript e [[Java (linguage de programmation)|Java]] sia differente versiones del mesme [[linguage de programmation]]; de facto, le similaritate non es plus que superficial.

Post le marginalisation e morte final de [[Netscape (disambiguation)|Netscape]], le organisation de standards electronica pro consumitores [[ECMA International]] ha assumite le disveloppamento ulterior de JavaScript, renominante illo ''ECMAScript.'' Totevia le nomine JavaScript continua a esser in uso general.

== Securitate ==

Durante su existentia, le varie incarnationes de JavaScript ha essite associate con plure problemas de [[securitate]] e de [[confidentialitate]]. JavaScript es usate mesmo pro le apparition automatic de fenestras salta-avante (''pop-up'') con annuncios commercial. Pro isto, un percentage considerabile de [[Usator|usatores]] web prefere disactivar JavaScript usque illes incontra [[Pagina web|paginas web]] qui non functiona sin illo.

In responsa, [[Navigator web|navigatores web]] moderne e non commercial como [[Mozilla]] ha incorporate controlos sophisticate de permission governante le execution de JavaScript, capace de restringer illo a [[Sito web|sitos web]] in un lista de permission e blocante fenestras salta-avante non sollicitate.

== Ligamine externe ==
* [http://www.ecma-international.org/publications/standards/Ecma-262.htm Definition del standard ECMAScript] ([[PDF]] anglese)

[[Categoria:Linguages de programmation]]
[[Categoria:Linguages de programmation orientate a objectos]]
[[Categoria:Internet]]