Թափարգել

The printable version is no longer supported and may have rendering errors. Please update your browser bookmarks and please use the default browser print function instead.

Թափարգել, հարվածները մեղմող հարմարանք։ Գնացքներում ընդունում է լոկոմոտիվների և վագոնների բախման հարվածային երկայնական և սեղմող ճիգերը։ Լինում է զսպանակավոր և շփական։

Զսպանակավոր թափարգելը ունի կոնաձև կամ գլանաձև զսպանակներ։ Մեղմող ճիգի ազդեցությունը դադարելուց հետո զսպանակի էներգիան գրեթե լրիվ վերադարձվում է։ Շփական թափարգելը ունի շփման օղակներ և պարուրաձև զսպանակ։ Սեղմման էներգիայի 70–80% կլանում են շփման օղակները, իսկ մնացածը կուտակում է զսպանակը և հետհարմամբ ելակետային դրության է վերադարձնում թափարգել։ Ինքնակցիչի առկայության դեպքում թափարգելը հանվում է։

Ավտոմեքենաներում թափարգելները ծառայում են գլխավորապես պատահական վթարային հարվածները կլանելու և մեղմելու համար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 152)։