1 de xaneiro - Comeza en España o costume de comer doce uvas ao son das doce badaladas da media noite de inicio do ano novo.
9 de febreiro - En España, trala caída do Goberno liberal, Afonso XIII encarga a José Canalejas, partidario da democratización e do reformismo social, a formación dun novo gabinete.
11 de febreiro - Seis mil soldados chineses, instruídos por oficiais estranxeiros, rebélanse e saquean Cantón, China.
14 de febreiro - Cincuenta mil manifestantes piden en Berlín un sistema electoral libre, igualitario, directo e segredo en Prusia.
21 de febreiro - O rei Afonso XIII firma un decreto de indulto para a maioría dos condenados polos sucesos da Semana Tráxica de Barcelona.
1 de marzo - Presentado no Instituto Nacional de Previsión (Madrid) o proxecto de seguros para obreiros.
31 de maio - O Parlamento británico funda a Unión Surafricana (Lei de Suráfrica).
3 a 4 de outubro - Estala en Portugal o movemento revolucionario que derroca a monarquía.