Агамемнон

Од Википедија — слободната енциклопедија
Убиството на Агамемнон, илустрација од Приказни од грчките трагедии од Алфред Чрч, 1897 година.

Агамемнон (грчки: Ἀγαμέμνων = „многу одлучен“) — во старогрчката митологија, крал на Микена, врховен заповедник на грчката војска во Тројанската војна. Тој бил син на Атреј и брат на Менелај.

Животопис[уреди | уреди извор]

Агамемнон уживал најголема почит меѓу Ахајците, иако тој не бил најголем воин, а не бил ниту најмудар во советот. Неговиот углед е прикажан во третото пеење во „Илијадата“, кога Хелена ги именува грчките воини и му ги опишува на кралот Пријам, кој го следел бојот од бедемите. Агамемнон се оженил насилно со Клитемнестра, вдовицата на кралот на Писа, Тантал, а таа била ќерка на Леда и Тиндериј (кралот на Спарта). Клитемнестра на Агамемнон му ги родила синот Орест и ќерките Електра (Лаодика), Хрисотемида и Ифигенија. По враќањето дома од Тројанската војна, Агемемнон бил убиен од Клитемнестра и нејзиниот љубовник Егист.[1] [2]

Наводи[уреди | уреди извор]

  1. Robert Grevs, Grčki mitovi, Nolit, Beograd, 1992, str.
  2. „Registar imena i reči s objašnjenjima“ во: Krista Volf, Kasandra. Sarajevo: Svjetlost, 1987, стр. 163.