Алин Котрел

Од Википедија — слободната енциклопедија

Алин Котрел (26. Јуни 1953 година во Шкотска, Обединетото Кралство) е професор по економија на универзитетот Вејк Форест во Соединетите Држави.[1] Тој е син на влијателниот шкотски хемичар Том Котрел (8 јуни 1923 – 2 јуни 1973).

Алин Котрел, шкотски економист

Живот[уреди | уреди извор]

Котрел поседува диплома за политика, филозофија и бизнис (ППЕ) од колеџот Мертон, при Универзитет во Оксфорд. Тој се здобил со звање доктор на науки од Универзитетот во Единбург.[1]

Во 1983 година се преселил во Соединетите Американски Држави и предавал на Универзитетот Чапел Хил и Елон во Северна Каролина пред да се пресели на Универзитетот Вејк Форест во 1989 година. Таму Котрел учи економија и економетрија. Неговата главна истражувачка активност се однесува на историјата на идеите во економијата, особено Кејнз и Маркс, прашањата на макроекономијата и теоријата на економско планирање.[1] Котрел е оженет и има една ќерка.

Дела[уреди | уреди извор]

Заедно со компјутерскиот научник Пол Кокшот, Котрел е автор на книгата „Кон Нов Социјализам“, за првпат објавена на англиски јазик во 1993 година, а во која тие предложуваат како една планирана економија, супериорна во однос на пазарната економија, треба да се овозможи преку информатичката технологија. Тој е и автор на книгата „Општествени класи во марксистичката теорија во послевоена Британија“, објавена во 1984 година.

Котрел е иницијатор и еден од главните автори на гретл (Гну Регресија, Економетрија и Библиотека со временски низи), програмски пакет со отворен извор за статистички пресметки.

Добитник е на Математичката награда на Шкотската школа за есеј за математичка филозофија (1970), Изложба (конкурентна стипендија) до колеџот Мертон, Оксфорд (1971) и Награда за извонредност во истражувањето, Универзитет Вејк Форест (1994).

Публикации[уреди | уреди извор]

Англиски оригинал
Германски преводи
  • Alternativen aus dem Rechner. Für sozialistische Planung und direkte Demokratie, 2006, ISBN 978-3-89438-345-9 .

Наводи[уреди | уреди извор]

Надворешни врски[уреди | уреди извор]