Мехико хото

Сүлөөтэ Нэбтэрхы Толи — Википеэдиһээ
Мехико хото
—  холбооной тойрог  —
Испани: Ciudad de México
Skyline of Мехико хото

Һүлдэ туг

Һүлдэ тэмдэг
Мексикадахи Мехико хотын нютаг
Мексикадахи Мехико хотын нютаг
Улас орон  Мексикэ
Тойрогууд 16 тойрогууд
Газар нютаг 1 499 км²
Хүн зон 8,8 сая хүн (2010)[1]
Нягтарал 5900 хүн/км²
Нютагай олон мехикынхид
Байгуулагдаһан (Теночтитлан нэрээр) 1325 оной 3 һарын 18
Засагай газарай дарга Марсело Эбрард
Сагай бүһэ Мексикын саг (НЗНС-6)
Телефоной_код +52 55
Сахим газар www.df.gob.mx (испаняар)

Мехико (Испани: Ciudad de México, México, D.F. гү, али México) — Мексикын ниислэл юм. Уласайнгаа эдэй засаг, ажа үйлэдбэри, соёл уралигай түб болоод 2005 оной байдалаар 8,720,916 хүн зонтойгоороо эгээн ехэ хүн зонтой хото юм. Ехэ Мехико хото (Zona Metropolitana del Valle de México) холбооной болон уласай засагай газарнуудай үгэһэн тодорхойлолтоор Мексика можын хүршэ зэргэлдээ 58 хото болон Идальго можын нэгэ хотые өөртөө багтаадаг. 2006 оной байдалаар Ехэ Мехико хото 19.2 сая хүн зонтой байһан болоод энэ дэлхэйн баруун тала бүмбэрсэгэй нэгэдэхи, дэлхэйдэ хоёрдохи томо метрополи газар нютаг болоно. 2005 оной байдалаар дэлхэйн хотонууд дотор ҮНБ-ээрээ найманда жагсагдаба. Мехико Сан Паулотай хамта Латин Америкын хоёр Бета дэлхэйн хотын нэгэниинь юм.

Мехико хото мүн Мексикын Холбооной тойрог (Испани: Distrito Federal, D.F.) юм. Холбооной тойрог болон Мехико нэгэ эжэл байгуулалаар ударидуулдаг болоод Үндэһэн хуулидань нэгэ эжэл болохые зааһан байдаг. Гэбэшье анха Холбооной тойрог 1824 ондо байгуулагдахада иимэ байгаагүй байһан болон Мехиконь тойрогые бүридүүлэгшэ хотонуудай нэгэ байгаа. Мехико хүгжэжэ бусад хотонуудаа залгижа, 1928 ондо албан ёһоор бусад хотонуудые үгы болгоһоной дараа 1993 ондо албан ёһоор Мехико болон Холбооной тойрогые нэгэ гэжэ заажа Үндэһэн хуулиинхи 44-р зүйлдэ өөршэлэлтэ оруулба. Энэ зүйлдэ, Мехико Холбооной тойрог болоод Холбооной хүсэнүүдэй түб, Мексика уласай ниислэл гэһэн заагдаха болоо.

Мехико Мексика уласай түбдэ байрлаха, Мексикын хүндыдэ (мүн Анахуакай хүнды гэгдэдэг) д.т.д. 2,240 метр үндэртэ оршодог. Түрүү 1325 ондо Ацтегуудаар Текскоко нуурай арал дээрэ байгуулагдажа байгаа. 1521 оной дайралтаар бараг бүтэнээрээ усадхагдаһан болоод дараань Испаниин хотын стандартуудай ёһoop дахин баригдаба. 1524 ондо Мехико хото гэжэ байгуулагдажа (México Tenustitlán), 1585 ондо Ciudad de México нэрэтэй болоо.

Засаг захиргаанай хубаари[Заһаха | үндэһэн бэшэгые заһабарилха]

1. Альваро Обрегон (Álvaro Obregón)
2. Аскапоцалько (Azcapotzalco)
3. Бенито Хуарес (Benito Juárez)
4. Койоакан (Coyoacán)
5. Куахимальпа (Cuajimalpa)
6. Куаутемок (Cuauhtémoc)
7. Густаво А. Мадеро (Gustavo A. Madero)
8. Истакалько (Iztacalco)

9. Истапалапа (Iztapalapa)
10. Магдалена Контрерас (Magdalena Contreras)
11. Мигель Идальго (Miguel Hidalgo)
12. Мильпа Альта (Milpa Alta)
13. Тлауак (Tláhuac)
14. Тлалпан (Tlalpan)
15. Венустиано Карранса (Venustiano Carranza)
16. Сочимилько (Xochimilco)

Зүүлтэ[Заһаха | үндэһэн бэшэгые заһабарилха]

  1. National Population Council. Mexico City Metropolitan Area. Government of the State of Mexico. the original on 2011-07-22 үдэрһөө архивлагдаһан. December 27, 2009 үдэртэ хандаһан.

Холбооһон[Заһаха | үндэһэн бэшэгые заһабарилха]