ویکی‌پدیا:سیلمه سیاستی

ویکی‌پدیادان، آچیق بیلیک‌لیک‌دن


ویکی‌پدیا سیلمه سیاستی‌نین آماجی٬ ویکی‌پدیاداکی هر جۆر سیلمه عملیّاتی‌نین آماجی‌نی و سیلمه مرحله‌لری‌نین قۇراللاری‌نی مۆعیّن ائتمک و ایفاده ائتمک‌دیر.

مقاله‌نین سیلینمه‌سی تکلیفی[دَییشدیر]

مقاله‌یه {{سیل}} ویا {{سیلینمه‌یه کاندید}} شابلوْنو علاوه ائتمه‌نیزدن اؤنجه اوْنون تاریخچه‌سینه و دانیشیق صحفه‌سینه باخماق واجیب‌دیر. اوْلا بیلسین کی مقاله‌نین سیلینمه‌سی ایله باغلی تکلیف‌لر اوّللرده اوْلموش‌دور. لاکین عۆمومی راضی‌لیق نتیجه‌سینده ساخلانماسینا قرار وئریلمیش‌دیر. تاریخچه صحفه‌سینه باخماق‌لا بعضاً بیلینیر کی٬ مقاله اوّللر ویکی‌پدیا قایدالارینا اۇیغون حاضیرلانمیش‌دیر. لاکین آیری ایشلدنین «دگیشدیرمه‌سی» نتیجه‌سینده پیس حالا سالنمیش‌دیر. بۇ حالدا مقاله‌نی نوْرمال دۇروما سالماق واجیب‌دیر.


مقاله‌نین سیلینمه‌سی ایله ایلگی‌لی اوّللر هئچ بیر تکلیف ائدیلمه‌ییب‌سه ویا ساخلانماسی ایله ایلگی‌لی وئریلمیش ایستیدلال‌لار سیزه یئترلی گؤرنمه‌ییرسه مقاله‌نین سیلینمه‌سی‌نی تکلیف ائده بیلرسینیز. مقاله‌نین سیلینیب ویا قالماسیندا شک ائدیرسینیزسه مقاله‌نین آدینی ویکی‌پدیا:سیلینمگه کاندید مقاله‌لر صحفه‌سینه داخیل ائدین و ویکی-جمعیّتین فیکرینی اؤیرنین.

دانیشیلمادان سیلینن مقاله‌لر[دَییشدیر]

دانیشیلمادان سیلینن مقاله‌لر آشاغی‌دا گؤرسدیلن شرطلری اؤده‌مه‌لی‌دیر:

  • رِکلام و اسپم کاراکترلی مقاله‌لر؛
  • بوْش مقاله‌لر (چوخ قیسا و هئچ بیر بیلگی داشیمایان مقاله‌لر (ان ساده مضمون قایداسی: مقاله باشلیق‌دان و بۇ باشلیغی چوخ ساده شکیلده ده اولسا ایفاده ائدن ان آزی بیر جۆمله‌دن عیبارت اولمالی‌دیر).)
  • واندالیزم نتیجه‌سینده یارادیلمیش مقاله‌لر؛
  • عئینی ویا چوخ یاخین مضمونا مالیک باشقا مقاله‌نین مؤوجود اوْلماسی؛
  • مضمونو مؤعتبر قایناق‌لارلا اساس‌لاندیریلماسی مۆمکون اولمایان مقاله‌لر٬ اوْ جۆمله‌دن ایشلدنلرین قایناق‌لارا اساس‌لانمایان اؤز فعالیّتی؛
  • دیگر دیللرده یازیلمیش مقاله‌لر.

سیلینمه‌سی دانیشیق ایسته‌ین مقاله‌لر[دَییشدیر]

سیلینمه‌سی دانیشیق ایسته‌ین مقاله‌یه {{سیلینمگه کاندید}} شابلوْنو داخیل ائدیلیر و مقاله ویکی‌پدیا:سیلینمگه کاندید مقاله‌لر صحفه‌سینده دانیشیغا چیخاریلیر.


سیلینمه‌سی دانیشیق ایسته‌ین مقاله‌یه عاییددیر:

  • مقاله‌ده اعتیبارلی قایناق یوْخدورسا؛
  • مقاله‌یه {{قارالاما}} شابلوْنو داخیل ائدیلسه ده اؤزون مۆدّت (۶ آیدان آرتیق) دگیشیک اوْلونماییرسا؛
  • مقاله‌یه {{ایش گئدیر}} شابلوْنو داخیل ائدیلسه ده اۇزون مۆدّت (۳ آیدان آرتیق) دگیشیک اوْلونماییرسا؛
  • مقاله‌ده‌کی بیلگی‌لرین اِنسیکلوپِدیک اؤنمی شۆبهه آلتیندادیرسا؛
  • مقاله مۆباحیثه و تناقوض یارادیرسا و دیگر یوْللارلا تناقوضو دفع ائتمک مۆمکون دئییل‌سه؛

آز اهمیّتلی مقاله‌لر[دَییشدیر]

ویکی‌پدیادا مقاله‌نین اؤنملی‌لیک درجه‌سینی تعیین ائتمک چوْخ زامان چتینلیک تؤرَدیر. بئله کی٬ مقاله‌نین اؤنملی‌لیگی نظری و ذهنی آنلاییش‌دیر. لاکین مقاله‌نین اؤنملی اوْلماسینی تعیین ائتمک اۆچون ایک اوْلاراق مؤوضوع ایله علاقه‌دار اعتیبارلی قایناق‌لارین تعیین ائدیلمه‌سی‌دیر. مقاله‌نین مؤوضوعو حاقّیندا اعتیبارلی قایناق‌لاردا هئچ بیر بیلگی یوْخدورسا مقاله سیلینمه‌لی‌دیر.

حقیقته اۇیغونلوغو[دَییشدیر]

مقاله‌نین سیلینمه‌سینه سببلردن بیری ده اوْراداکی بیلگی‌نین حقیقته اۇیغون اوْلماماسی‌دیر. بۇ زامان مقاله‌نین بۆتون بیلگی‌سی ویا متنین چوْخلوغو شۆبهه یارادارسا سیلینه بیلر. اگر مقاله‌نین مۆعین بیر حیسّه‌سینده‌کی متن شۆبهه یارادیرسا مقاله‌نین سیلینمه‌سینی تکلیف ائتمک دۆزگون دئییل. مقاله‌ده‌کی بیلگی‌نین حقیقی اوْلماسی ایله باغلی شۆبهه‌لره سوْن قوْیماق اۆچون تکجه اۆصول همین بیلگی‌یه اعتیبارلی قایناقلاردان ایستیناد آرتیرماق‌دیر (اعتیبارلی قایناقلاردان ایستینادلار نه قدر چوْخ اوْلارسا٬ قایناغین دوْغرولوغونا امین‌لیک داها چوْخ اوْلار.


اعتیبارلی قایناق ایله اساس‌لاندیریلمایان مقاله دانیشیق آپاریلمادان ویکی‌پدیادان سیلینه بیلر و بۇنا گؤره مقاله‌نی سیلن مۆدیره ایراد بیلدیرلمه‌سی اخلاقی دئییل. اعتیبارلی قایناغی اوْلمایان مقاله‌نی سیلن مۆدیر ویکی‌پدیانین اساس اصلری‌نه اۇیغون اوْلاراق چالیشمیش اوْلور.

سیلینمگه کاندید اوْلان مقاله‌لرده نظره آلینمالی مقاله‌لر[دَییشدیر]

اگر مقاله‌ده‌کی چاتیشمامازلیق‌لار آسانلیق‌لا آرادان قالدیریلا بیلَرسه اوْنو دانیشیغا چیخارتمایین٬ چالیشین چاتیشمامازلیق‌لاری اؤزونوز آرادان قالدیراسینیز. مقاله‌نین جیدّی دگیشدیریلمگه احتیاجی وارسا و ایندیکی حالیندا ویکی‌پدیا استیلینه اۇیغون دئییل‌سه سیلینمه‌سی تکلیف اوْلونا بیلر.


چاتیشمامازلیقلار دئدیکده نظرده تۇتولور:

  1. یازان حۆقوق‌لارینی پوْزان متنین اوْلماسی. مقاله‌ده‌کی متنین بیر حیسّه‌سی اینتیحال‌دیرسا اوْنو اؤزونوز ده سیله بیلرسینیز. آنجاق متنین اینتیحال اوْلماسی ثۆبوت اوْلونمالی‌دیر.
  2. مقاله ویکی‌پدیا قایدالارینا اۇیغون اوْلاراق دۆزولمه‌ییب‌سه٬ یعنی٬ باشلیق‌لارا آیریلماییب‌سا سیلینمه‌سی اۆچون جیدّی بحث اوْلا بیلمز.
  3. مقاله‌ده‌کی بیلگیلر عئینی مؤوضوعلو دیگر مقاله‌ده‌کی بیلگیلرین داوامی‌دیرسا ویا مۆعیّن مقاله‌لر تکرارلانیرسا بۇ مقاله‌لری بیرلشدیرن شابلوْنو ایشلدین: {{تکرارلانان مقاله}}
  4. سیلینمگه کاندید اوْلان مقاله‌لر صفحه‌سینه بیر گۆنده ماکسیموم ۵ مقاله‌نین سیلینمه‌سی ایله باغلی تکلیف وئرمک اوْلار. ۵-دن آرتیق مقاله‌نین سیلینمه‌سی حاقّیندا تکلیف یالنیز عئینی تیپلی مقاله‌لر حاقّیندا عۆمومی قرار قبول ائدیلدیک‌ده مۆمکون‌دۆر.

مقاله‌نین سیلینمگه کاندید اوْلان مقاله‌لر سیاهی‌سیندان چیخاریلماسی[دَییشدیر]

مقاله سیلینمگه کاندید اوْلان مقاله‌لر سیاهی‌سیندان چیخاریلا بیلر:

  • مقاله بیلیکلیک‌لیک اؤنم داشییرسا و ویکی‌پدیا استیلیلنه اۇیغون‌دورسا؛
  • مقاله‌نین سیلینمه‌سی کۇکلا ویا باغلانمیلمیش ایشلدن طرفیندن تکلیف اوْلونورسا؛
  • سیلینمه‌سینه گؤره سبب گؤستریلمه‌ییب‌سه؛
  • مقاله «سیلینمگه کاندید مقاله‌لر» صفحه‌سینده آرتیق دانیشیغا چیخاریلیب‌سا و قالماسی حاقّیندا قرار وئریلیب‌سه.


ایشلدن یۇخاریداکی گؤستریلن قایدالارا محل قوْیمادان مقاله‌نی سیلینمگه کاندید وئریرسه٬ بیرینجی حالدا تذکّۆر ائدیلیر. تذکّۆره محل قوْیمایان ایشلدن موْعیّن مۆدّته باغلانیر.

بیرده باخ[دَییشدیر]