17 Hippies

Na Galipedia, a Wikipedia en galego.
17 Hippies
17 Hippies en directo en Salamanca, no 2006.
OrixeBerlín, Alemaña Alemaña
Período1995 – presente
Xénero(s)folk, pop
Selo(s) discográfico(s)Hipster Records
Buda Musique
MembrosAntje Henkel
Daniel Cordes
Christopher Blenkinsop
Daniel Friedrichs
Dirk Trageser
Elmar Gutmann
Henry Notroff
Kerstin Kaernbach
Kiki Sauer
Lutz 'Lüül' Ulbrich
Rike Lau
Uwe Langer
Volker 'Kruisko' Rettmann
Na rede
www.17hippies.com
Facebook: 17Hippies Twitter: 17hippies Instagram: 17_hippies Tumblr: 17hippies MySpace: 17hippies Youtube: UC5ECrxo_GAfbXcpjre6zIpA Vimeo: 17hippies Souncloud: 17-hippies Spotify: 3Tq2hRlRrQzA4Zq2ncYiiA Musicbrainz: 8315641a-6dca-40fd-a893-d247e4db84c3 Songkick: 306885 Discogs: 188949 Allmusic: mn0000425930 Editar o valor em Wikidata

17 Hippies é un grupo de música instrumental de Berlín (Alemaña), fundado no ano 1995. A súa música, que procede dunha confluencia entre varios tipos de folclore, é tocada con grande estilo e enerxía. As súas influencias son de temas belgas, polacos, gregos, serbios e alemáns.

Membros[editar | editar a fonte]

* Antje Henkel Clarinete, saxofón
* Daniel Cordes Contrabaixo
* Christopher Blenkinsop Ukelele, buzuki, voz
* Daniel Friedrichs Violín
* Dirk Trageser Voz, guitarra
* Elmar Gutmann Trompeta
* Henry Notroff Clarinete
* Kerstin Kaernbach Violín
* Kiki Sauer Acordeón, armonio, voz
* Lutz 'Lüül' Ulbrich Banjo, guitarra
* Rike Lau Violonchelo
* Uwe Langer Trombón
* Volker 'Kruisko' Rettmann Acordeón

Historia[editar | editar a fonte]

Fundada no 1995 en Berlín por Christopher Blenkinsop, tocaron máis dun centenar de concertos, principalmente en Alemaña e Francia, con frecuentes espectáculos en Suíza, Hungría, Bélxica, os Países Baixos, a República Checa, Austria, España, Rusia e o Xapón. As súas actuacións en vivo nos Estados Unidos limitáronse a uns poucos concertos en Austin, e na Gran Bretaña a unha soa en Londres, no 2005.

Na Gran Bretaña posibelmente son máis coñecidos pola banda sonora da película alemá Halbe Treppe, que no 2002 saíu co nome inglés de Grill Point.

A orixe do seu nome é descoñecido incluso para eles mesmos: Ninguén sabe exactamente por que 17 ou por que hippies. Pero ter un nome é bo, como un indicador na estrada anuncia unha vila.

Ao primeiro adicáronse a tocar melodías que reinterpretaban á súa maneira. Foron momentos de crecemento con concertos en Alemaña (onde chegaron a tocar 18 concertos en 24 horas), Estados Unidos, Francia (onde a discográfica Buda Musique interesouse por eles) etc.

No 2000 a formación tivo problemas internos pola que estivo un tempo sen tocar. Porén no ano 2001, durante a gala de clausura da Berlinale, o director Andreas Dresen pediulles usar a súa música para a súa próxima película, casualmente, uns meses antes xuntáranse para compoñer temas dunha película imaxinaria. Separados en cinco cuartos, simultaneamente improvisaron e compuxeron música para acompañar as escenas de 'dous irmáns que conducen rúa abaixo mentres escoitan a radio e chove'. Así é como chegou a súa primeira canción propia, "Mad Bad Cat", que pode escoitarse nos títulos de crédito de Halbe Treppe.

En 2002, tras unha serie de concertos en Alemaña, Austria e Francia, inspíranse neste último país para compoñer cinco novos temas: "Sirba", "Marlène", "Frau Von Ungefähr", "Was Bleibt", "Dansons La Valse".

2003 é un ano de colaboracións. Traballaron con 'Les Hurlements D'Leo', de onde naceu 'Hardcore Trobadors'. Tamén colaboraron no proxecto 'Sexy Ambient Hippies', da súa serie '17 Hippies play...' con varios amigos e invitados. Neste proxecto a batería e os sons electrónicos xogan un estraño papel. Este suave xiro desde a música improvisada a unha forma máis traballada deu como resultado o tema "Ifni", que sairía no seu seguinte álbum.

A súa estancia na cidade marroquí de Sidi Ifni no 2004 lles influíu con esa mestura de linguas, lendas e historias. De aí naceron pezas como Valser nel Bosco.

En xullo do 2008, visitaron Galicia para tocar no Festival Internacional do Mundo Celta de Ortigueira

Discografía[editar | editar a fonte]

Álbums[editar | editar a fonte]

* Rock’n’Roll 13 (1997)
* Texas Radio (1998)
* Wer Ist Das? (1999)
* Sirba (2002)
* Banda sonora orixinal da película Halbe Treppe (2002)
* 17 Hippies Play Sexy Ambient Hippies (2003)
* Ifni (2004)
* 17 Hippies Play Guitar (2006)
* Live In Berlin (2006)
* Heimlich (2007)
* El Dorado (2009)

DVD[editar | editar a fonte]

* Live In Berlin (2005)

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]