2001太空漫游(电影)

出自维基百科,自由个百科全书

2001太空漫游》(英语:2001: A Space Odyssey)是一部1968年由斯坦利·库布里克执导个美国科幻电影。库布里克受到了亚瑟·克拉克个短篇小说《前哨英语The Sentinel (short story)》个启发,并搭克拉克合作完成了剧本。影片上映后弗久,克拉克出版了同名小说。

虽然箇部电影评价弗哪能好,伊依然获得仔1968年北美顶高个票房,勒拉伊一年捞到4项奥斯卡奖提名,拿着最佳视觉效果奖。1991年,箇部电影因为“文化上,历史上搭审美上个重要价值”畀美国国家电影保护局收藏起来[1]

影评[编辑]

因为箇部电影有震撼力个画面,真实貤特别个效果搭仔远远领先时代个环境音响,伊是一部好从弗同角度解释个电影,有交交关关专业影评人、业余作家甚至科幻迷提出自家个解释。

续集同改编[编辑]

导演库布里克呒没想过拍《2001太空漫游》个续集[2]。必过,小说原著作者克拉克写出三部续集,当中一部也畀改编成电影。

小说[编辑]

克拉克继续写仔三部续集小说。头一部畀拍成电影,挺下来两部暂时还呒没上大萤幕个可能性。

电影[编辑]

一部1984年上映个电影:“2010: The Year We Make Contact”,中文名字起了只《威震太阳神》,是从克拉克1982年发表个小说《2010太空漫游》(2010: Odyssey Two)改编过来个。

漫画[编辑]

漫威漫画公司勒拉1976年,连载十個号头个漫画版《2001太空漫游》。箇部漫画是漫画家杰克·科比独立编绘个,故事灵感搭仔背景设定来自电影版搭原著小说个剧情。

参考文献[编辑]

  1. National Film Registry. National Film Registry (National Film Preservation Board, Library of Congress). 访问日脚November 26, 2011.
  2. (摘錄自《2001: 攝製未來》“2001: Filming the Future” 皮爾斯·畢卓尼 Piers Bizony著;)