Эме Антуанета Камю

Эме Антуанета Камю
Дата нараджэння	1 мая 1879(1879-05-01)
Месца нараджэння	Парыж, Парыж, рэгіён Іль-дэ-Франс, Метраполія Францыі, Францыя
Дата смерці	17 красавіка 1965(1965-04-17) (85 гадоў)
Месца смерці	Парыж, рэгіён Іль-дэ-Франс, Метраполія Францыі, Францыя
Грамадзянства	Францыя
Бацька	Edmond Gustave Camus[d]
Род дзейнасці	батанік, батанічны калекцыянер
Навуковая сфера	батаніка
Узнагароды

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «A.Camus». Спіс такіх таксонаў на сайце IPNI Персанальная старонка на сайце IPNI Старонка на Віківідах

Эме Антуанета Камю (фр.: Aimée Antoinette Camus, 1 мая 1879, Л'іль-Адам — 17 красавіка 1965) — французская вучоная па батаніцы. Камю з’яўляецца друой па колькасці названых відаў наземных раслін сярод жанчын-навукоўцаў, у агульнай колькасці назваўшы 677 відаў.

Біяграфія

Камю нарадзілася ў сям’і вучонага-батаніка Эдмона-Гюстава Камю (1852—1915). Атрымаўшы адукацыю, у якой яна спецыялізавалася на вывучэнні архідэй і анатоміі раслін, Камю працавала ў парыжскім Нацыянальным музеі натуральнай гісторыі.

Разам са сваім бацькам Эме Антуанета Камю ў 1904—1906 гадах выпускае навуковую працу «Класіфікацыя лугоў Еўропы і манаграфія пра лугі Францыі». У 1914 выходзіць яе даследаванне «Кіпарысы», у 1923 годзе — праца «Дрэвы і хмызнякі як частка дэкаратыўнага ўпрыгожвання». У 1934—1954 гадах працавала над вялікім даследаваннем «Дубы». Атрымалі таксама шырокую вядомасць працы Камю аб архідэях. Акрамя вышэйназваных, варта паказаць наступныя фундаментальныя навуковыя працы Э. А. Камю (у бібліяграфіі — А. Камю):

• «Архідэі Еўропы і Міжземнаморскага басейна (1921-29)»
• «Раслінны свет Індакітая (1922)»
• «Прыродныя анамаліі ў архідэй (1924)»
• «Архідэі Еўропы, Паўночнай Афрыкі, Малой Азіі і транскаспійскіх рускіх правінцый (1908)» (сумесна з Э. Г. Камю).