Ffordd yr A465
.jpg?lang=cy) | |
| Math | ffordd dosbarth A  |
|---|---|
| Daearyddiaeth | |
| Sir | Castell-nedd Port Talbot, Blaenau Gwent, Swydd Henffordd |
| Gwlad |  Cymru |
| Cyfesurynnau | 51.8442°N 2.9999°W |
| Hyd | 66 milltir |
 | |
Un o briffyrdd Cymru, sy'n rhedeg o'r gorllwein i'r dwyrain gan gysylltu blaenau cymoedd glofäol y De yw'r A465, neu Ffordd Blaenau'r Cymoedd.
Hawdd yw rhannu'r ffordd hon yn ddwy: "Ffordd Blaenau'r Cymoedd" sy'n gyswllt bwsig rhwng de-orllewin Cymru a chanolbarth Lloegr (ar hyd yr A40 a'r M50); a siwrnai ddymunol wledig drwy Swydd Henffordd.
Dechreua'r ffordd ar gyffordd 43 (Llandarcy) Traffordd yr M4 ar ffurf ffordd ddeuol ac yn rhedeg yr holl ffordd i fyny Cwm Nedd. Agorwyd rhan newydd rhwng Tonna a Glyn-Nedd ym 1997 er mwyn dargyfeirio traffig oddi ar yr hen heol droellog (y B4242 bellach). Heibio Glyn-Nedd, mae'r A465 yn dringo'r rhiw i Hirwaun le daw'r A4059 o'r Bannau Brycheiniog a'r A4061 o Gwm Rhondda Fawr at ei gilydd ar ffurf cylchfan.
Mae'n tueddu i basio heibio, yn hytrach na thrwy, trefi blaenau'r cymoedd, megis Merthyr Tudful, Tredegar a Glyn Ebwy nes cyrraedd Y Fenni. Â'r ffordd ymlaen trwy Lanfihangel Crucornau i Loegr a Henffordd.
Dechreuodd y gwaith i wneud Ffordd Blaenau'r Cymoedd yn ffordd ddeuol lawn yn 2002. Cwblhaodd y prosiect ym Mai 2025.[1]
Cyfeiriadau
[golygu | golygu cod]- ↑ "Cwblhau'r gwaith ar ffordd Blaenau'r Cymoedd wedi 23 blynedd", BBC Cymru Fyw, 31 Mai 2025; adalwyd 31 Mai 2025
Dolenni allanol
[golygu | golygu cod]- (Saesneg) "A465", SABRE [The Society for All British and Irish Road Enthusiasts]
- (Saesneg) "The Heads of the Valleys", roads.org.uk