Aglomeracion

Un article de Wikipèdia, l'enciclopèdia liura.

Una aglomeracion se definís coma una vila-centre (dins son sens administratiu) e sei banlègas (entitats administrativas que fan part de la continuitat urbana).

Aquesta nocion pòu aver perèu un sens politic. Dins aqueu cas correspònde a plusioreis entitats administrativas interconnectadas mai pas necessàriament aglomeradas que gestionan sei projèctes cotria (Transpòrts, urbanisme, bordilhas, etc...). Es lo cas en França dei Comunautats d'Aglomeracions.

Segond lei país, leis aglomeracions pòdon èstre definidas diferentament.

Aglomeracions occitanas[modificar | Modificar lo còdi]

Mapa de la Comunautat d'aglomeracion de Tolosa (en francés). Se li vetz que lo nombre de comunas l'es mai redusit que per l'aglomeracion tolosana definida per l'INSEE)

Leis aglomeracions lei mai importantas de l'espaci occitan s'atròvan totei sus lo territòri de la Republica Francesa. Son definida per l'Institut Nacionau de l'Estatistica e deis Estudis Economics (INSEE).

Son de destriar leis aglomeracions dins sa definicion INSEE dei Comunautats d'Aglomeracions que son d'Establiments Publics de Cooperacion Intercomunala aguent un estatut juridic pròpri e juridicament gestionada per lo drech francés en vigor, notadament per lo Còdi de l'Urbanisme, lo Còdi de la Rota e lo Còdi dei Collectivitats Territorialas. Leis aglomeracions son generalament d'entitats qu'an solament una continuitat dau teissut urban sènsa necessariament aguer un estatut oficiau d'EPCI, au còntre dei Comunautats d'Aglomeracions ò dei Metropòlis

En Occitània, l'aglomeracion la mai poblada es aquela de Marselha-Ais, seguida d'aquelei de Niça, Tolosa, Bordèu e Tolon.


Aglomeracions occitanas[1],[2],[3],[4] Populacion
(2010)
Populacion
(2009)
Populacion
(2008)
Populacion
(2007)
Comunas
(2010)
1 Marselha - Ais 1 559 789 1 557 950 1 560 343 1 558 379 49
2 Niça 941 777 941 490 947 337 947 075 51
3 Tolosa 879 683 871 961 864 936 859 338 73
4 Bordèu 843 425 836 162 832 605 831 788 64
5 Tolon 557 802 559 246 559 421 556 538 27
6 Avinhon 442 377 440 628 440 770 440 651 59
7 Montpelhièr 390 962 387 155 383 972 384 165 22
8 Clarmont d'Auvèrnhe 260 681 259 702 260 402 261 240 17
9 Baiona 224 484 222 656 221 460 219 570 27
10 Pau 197 373 198 097 198 954 199 199 53
11 Lemòtges 186 499 185 867 186 094 184 066 9
12 Nimes 175 505 173 914 172 982 175 990 9
13 Valença 126 924 127 297 126 839 126 832 10

Referéncias[modificar | Modificar lo còdi]

  1. Unités urbaines 2010, Insee - Les unités urbaines de plus de 100 000 habitants en 2007
  2. Insee - Résultats du recensement de la population de 2008
  3. Insee - Résultats du recensement de la population de 2009
  4. Populations légales 2010 pour les départements et les collectivités d'outre-mer