Antonio Bilbatúa Zubeldía

Na Galipedia, a Wikipedia en galego.
Antonio Bilbatúa Zubeldía
Nacemento23 de maio de 1894
Lugar de nacementoSarria
Falecemento27 de agosto de 1936
Lugar de falecementoVigo
Causaferida por arma de fogo
NacionalidadeEspaña
Ocupaciónpolítico e telegrafista
IrmánsDemetrio Bilbatúa Zubeldia e Luis Bilbatúa Zubeldia
editar datos en Wikidata ]

Antonio Bilbatúa Zubeldia, nado en Sarria o 23 de maio de 1894 e fusilado en Vigo o 27 de agosto de 1936, foi un político e dirixente socialista galego de orixe vasca.

Traxectoria[editar | editar a fonte]

Fillo de Tomás Bilbatúa Urien e Luisa Zubeldia Oraa, traballou de oficial de telégrafos e militou no PSOE. En xuño de 1915 aprobou as oposicións ao corpo de telegrafistas[1]. Foi elixido deputado da Fronte Popular pola provincia de Pontevedra nas eleccións xerais de febreiro de 1936. Co golpe de Estado do 18 de xullo de 1936 foi detido en Vigo xunto a outros dirixentes de esquerda da cidade[2].

O 20 de agosto foi condenado a morte nun consello de guerra sumarísimo polo delito de traizón, e fusilado no camposanto de Pereiró unha semana despois xunto cos outros membros do Comité da Fronte Popular de Vigo: o seu irmán Demetrio, o alcalde Emilio Martínez Garrido, o alcalde de Lavadores José Antela Conde, e os deputados socialistas Enrique Heraclio Botana e Ignacio Seoane[3]. Outro dos seus irmáns, Luís Bilbatúa Zubeldia, tamén foi asasinado polos falanxistas o 15 de setembro.

Notas[editar | editar a fonte]

  1. "Correos y Telégrafos. Nuevos telegrafistas". La Mañana (en castelán) (Madrid). 21-6-1915. p. 7. 
  2. Galicia mártir Arquivado 02 de decembro de 2012 en Wayback Machine., de Hernán Quijano.
  3. Asasinados en Vigo durante a Guerra Civil.

Véxase tamén[editar | editar a fonte]

Ligazóns externas[editar | editar a fonte]