Locomotiva

Questa pàgina a l'é scrîta in léngoa zenéize
Da Wikipedia
ZE
Questa pàgina a l'é scrîta in léngoa zenéize
Locomotiva diesel a Tel Aviv

A Locomotiva a l'è un veicolo ferroviaio dotou de motore, adatto a trainä i convogli.

Descriçion e stöia[modìfica | modìfica wikitèsto]

I tipi ciü comun son quelli con motore elettrico (ciammæ frequentemente locomotori), diesel e diesel-elettrico; in passou l'è stæto molto diffüso a trasion a vapôre. In te questô caxô a trasmisciôn dô movimento a l'avvegne solitamente da ô stantüffô ä röa attraverso testacrôxe e biella. Atri tipi de apparato motore son stæti prövæ, comme a türbinna (unna compagnia che a l'ha adottou questo scistema a l'è stæta a Union Pacific in ti Stati Unïi d'America); sensa troppo successo s'è sperimentou, zà da o XIX secolo, comme propellente, l'aia compressa. Gh'é òua anche di treni sperimentäli co-a trasion a idrogeno, sorviatütto in Germania.

Segundo o tipo de servisio che devan svolge, se distingue e locomotive da manövra, destinæ a percorsci cürti a veloçitæ bassa, da quelle che effettuan o traino di treni in sce e lunghe distanse. Un tipo particolare de locomotiva o l'è quello a cremagliera, che o se dövia in sce linie a forte pendensa e o l'è fornio de unna reua dentä che a l'ingranna in sce a cremagliera mæxima.

E primme locomotive italiann-e[modìfica | modìfica wikitèsto]

L'è ben noto che a primma ferrovia a inträ in servisio in Italia a l'è stæta a Napoli-Portici, inaugurä o 3 de òtôbre do 1839. In sce questa linia faxeiva servisio due locomotive ingleixi che portavan e denominasioin de Vesuvio e Bayard.

'Na locomotiva a vapôre tedesca

Successivamente s'è svilüppou anche un'indüstria nasionale italianna; fra e case costruttrici l'è stæto pioniera l'Ansaldo de San Pê d'Ænna. O giorno 2 de mazzo do 1846 o Regno de Sardegna o conçedeiva a Philip Taylor e Federico Prandi un mutuo pe realizzä a San Pê d'Ænna un stabilimento meccanico ch'o poesse, in to gio de dui anni, costruî e riparä locomotive. In te un testo pubblicou in to 1851 o mæximo Taylor o diciarava de avei costruio in to 1848 un prototipo de motrice.

In seguito a o dissesto finansiaio da Taylor e Prandi, a ditta a finiva pe esse cedüa a un grüppo i cui esponenti ciü famosi ean Carlo Bombrini, Raffaele Rubattino e Giovanni Ansaldo (comme accomandataio). Ä fin de o 1855 a nöa Societæ a consegnava e primme due locomotive, unn-a de quæ a se ciammava Sampierdarena. A ferrovia fra Zena e Turin a l'ea inträ in servisio zà da o dexembre do 1853, utilizzando da Buzalla a Turin de locomotive a trei asci Cockerill.[1]

In sce o træto da linia Pontedeximo-Buzalla, con pendensa do 35 pe mille, queste macchine lasciavan o posto a de atre locomotive, i famosi Mastodonti di Zovi.[2] Se trattava de macchine a 4 asci, destinæ a operä accobbiæ da a parte do forno, in moddo da poei fä servisio con un foghista ünico. Ean costruìe da a Cockerill (unna ditta belga).

Locomotori elettrici[modìfica | modìfica wikitèsto]

I locomotori elettrici son alimentæ dall'esterno attraverso unna linia aerea de contatto. In ræi caxi (soviatütto pe o passou, o ancon oua in ambito indüstriale) l'è stæto döviou l'alimentasion interna mediante batterie: ha funsiônou coscì, in Italia, a linia Monsa-Trezzo-Bergamo e, in parte, a Pisa-Pontedera (ma queste linie ean clascificæ comme tranvie); o l'è o scistema scelto anche pe o ripristino d'a ferrovia de Cogne in Valle d'Aosta, a cui avertüa a se sta però rivelando problematica.

L'alimentasion con linia de contatto a pö esse a corrente continua o alternä; in Italia e linee FS dövian corrente continua a 3000 Volt; in passou çerte linie ean alimentæ con corrente alternä trifase a 3600 Volt e 16 Hertz. In Liguria a trifase a l'ha servio a linia di Zovi da Pontedeximo a Buzalla. De solito i locomotori elettrici han 4 o 6 asci motori. Quande o motore de trasion o l'è montou in sce unna carrossa passeggê se parla de elettromotrice; un complesso de elettromotrici o se definisce elettrotreno.

Vôxe corelæ[modìfica | modìfica wikitèsto]

  • Forsa elettromotrice (a differensa de potensiale fra dui punti de 'n circuìto averto, o dô flusso de corrente elettrica)

Nòtte[modìfica | modìfica wikitèsto]

  1. Nümeræ SFAI - oscia Società Ferrovie Alta Italia 369-372 Hanswell (SFAI 801-804) e Stephenson (SFAI 701-702).
  2. immatricolæ con i nümeri SFAI 1051-1070.

Colegaménti esterni[modìfica | modìfica wikitèsto]

Contròllo de outoritæLCCN (ENsh85077999 · GND (DE4036283-8 · BNF (FRcb119323014 (data) · BNE (ESXX524657 (data) · NDL (ENJA00565772