Lucía Pérez

Na Galipedia, a Wikipedia en galego.
Lucía Pérez
Nome completoLucía Pérez Vizcaíno
Nacemento5 de xullo de 1985
Lugar de nacementoO Incio
NacionalidadeEspaña
Alma máterUniversidade de Oviedo
Ocupacióncantante e artista discográfico
Na rede
https://www.luciaperez.es/
Facebook: Lucia.Perez.Oficial Twitter: LuciaPerezMusic Musicbrainz: 66370f1a-ae37-4ecb-b6da-5ee1224ec335 Discogs: 2261154 Genius: Lucia-perez Editar o valor em Wikidata
editar datos en Wikidata ]

Lucía Pérez Vizcaíno, nada en Goó (O Incio) o 5 de xullo de 1985, coñecida artisticamente como Lucía Pérez, é unha cantante galega. Representou a España no Festival de Eurovisión 2011, en Düsseldorf (Alemaña), co tema «Que me quiten lo bailao». Foi a primeira galega en facelo por España e obtivo o 23º posto, con 50 puntos.[1]

Traxectoria[editar | editar a fonte]

Estudou Maxisterio na Universidade de Oviedo e Pedagoxía Musical.[2][3]

A súa andaina no mundo da música comezou cando tiña 8 anos, na escola. En 2002 consegue a vitoria no concurso da TVG Canteira de cantareiros, dirixido a cantantes afeccionados. Ao ano seguinte publica o seu primeiro álbum Amores y amores.

En 2004 Queda mucha vida foi o himno da Asociación Española contra o canto, interpretada con Chema Purón. En 2005 participa no festival da canción de Viña del Mar (Chile), onde queda segunda coa canción Qué haría contigo, e que ten como consecuencia unha serie de actuacións nese país americano e mais na Arxentina, que alterna con concertos en Galicia. En 2009 participa por segunda vez no Festival de Viña del Mar. Foi a elixida para interpretar o Himno de Galicia na toma de posesión de Alberto Núñez Feijoo na Praza do Obradoiro.[4]

Cantante bilingüe en galego e castelán, ten gravado xa varios temas en galego: dous no primeiro álbum, dous no segundo (a canción "Amarás miña terra" foi finalista dos Premios de la Música de España á mellor canción en galego), un no terceiro: unha versión de "Adiós ríos, adiós fontes", o poema de Rosalía de Castro e no cuarto Dígocho en galego (2010) é todo en galego. En Quitapenas o último tema é "Sete chorares"

Quince soles é un disco íntegro en galego. Conta con colaboracións de artistas como Vizcaíno, Susana Seivane, Chema Purón, Xabier Díaz, Tonhito de Poi, Sito Sedes, Emilio Rúa, Rosa Cedrón e Chenoa.[5]

Na miña pel de Lucía Pérez é unha iniciativa realizada ao abeiro do Fondo de proxectos culturais en lingua galega Xacobeo 2021-2022 (Portal da Lingua Galega). A peza é unha ranchera con elementos de fusión de diferentes estilos protagonizada por mulleres distintas.[6]

Na TVG foi a presentadora das badaladas de fin de ano no 2011 con Xosé Ramón Gayoso.[7] No 2012-2013 copresentou Heicho cantar, queridiña na mesma TVG.[8]

De Galicia a Eurovisión[9][editar | editar a fonte]

Durante xaneiro de 2011 foi unha dos trinta candidatos para representar a España no Festival de Eurovisión 2011. No mes de febreiro conseguiu un posto na semifinal do concurso da TVE como unha dos dez candidatos para representar o país no Festival de Eurovisión 2011. O 11 de febreiro de 2011 foi escollida polo público de TVE para pasar á final do concurso Destino Eurovisión como unha dos tres candidatos a representar a España en Düsseldorf. O 18 de febreiro de 2011, finalmente, foi elixida para representar a España no Festival de Eurovisión 2011 coa canción "Que me quiten lo bailao", cun 68% dos votos do público. O 14 de maio de 2011 actuou na posición 22º de 25º participantes na final do Festival de Eurovisión. Logo do seu paso polo escenario de Düsseldorf queda con 50 puntos no posto 23º.[1]

Discografía[editar | editar a fonte]

Sinxelos[editar | editar a fonte]

  • Que me quiten lo bailao (2011). Warner Music Spain.[10]
  • Na miña pel (2021).[11]

Galardóns[editar | editar a fonte]

  • "Enxebre Orden da Vieira" coa distinción "Vieira de Honor á Calidade Artística".
  • Premio "Galicia Sexta Provincia" como artista revelación.
  • Na primavera de 2005 primeiro premio do “Disco-Pop de Solistas Galegos” pola súa traxectoria.
  • Filla predilecta do Incio.
  • Gañadora do festival Gayvision 2010
  • 2011: personaxe galega do ano para o xornal El Progreso.

Notas[editar | editar a fonte]

  1. 1,0 1,1 La Voz de Galicia, ed. (15 de maio de 2011). "O 23.º posto non lle borrou o sorriso a Lucía Pérez". Consultado o 21 de xuño de 2011. 
  2. "Biografía". Lucia Perez (en castelán). Arquivado dende o orixinal o 25 de maio de 2022. Consultado o 2022-05-12. 
  3. Lugo, El Progreso de (2020-05-13). "Lucía Pérez Vizcaíno". El Progreso de Lugo (en castelán). Consultado o 2022-05-12. 
  4. "Lucía Pérez" (en castelán). 2021-10-19. 
  5. "Lucía Pérez – Quince Soles – ..:: INQUEDANZAS SONORAS ::.. MUSICA EN GALEGO E MOITO MAIS – EDICIÓN – DISTRIBUCIÓN – MANAGEMENT". Consultado o 2022-05-12. 
  6. "Na miña pel. Lucía Pérez - O Portal da Lingua Galega". www.lingua.gal. Consultado o 2022-05-12. 
  7. "A Galega despide o ano coa gala "A Fin do Mundo?", entre música, humor e as "predicións de 2012" CRTVG". www.crtvg.es. Consultado o 2022-05-12. 
  8. "Heicho Cantar Queridiña CRTVG". www.crtvg.es. Consultado o 2022-05-12. 
  9. "Lucía Pérez". eurovision-spain.com (en castelán). Consultado o 2022-05-12. 
  10. "Lucía Pérez". Discogs (en castelán). Consultado o 2022-05-12. 
  11. "Lucía Pérez canta a las mujeres de su vida en Na miña pel". eurovision-spain.com (en castelán). 2021-12-20. Consultado o 2022-05-12. 

Véxase tamén[editar | editar a fonte]

Ligazóns externas[editar | editar a fonte]

Predecesor:
"Algo pequeñito"
Daniel Diges

España no Festival de Eurovisión

2011
Sucesor:
Quédate Conmigo
Pastora Soler