Pandaigdigang Pamantayang Bilang ng mga Publikasyong Seryal

Mula sa Wikipedia, ang malayang ensiklopedya
International Standard Serial Number (Pandaigdigang Pamantayang Bilang ng mga Publikasyong Seryal)
{{{image_alt}}}
isang ISSN, 2049-3630, na kinakatawan ng isang kodigong baras na EAN-13.
AkronimaISSN-615-682536
OrganisasyonISSN International Centre
Ipinakilala1976; 48 taon ang nakalipas (1976)
Blg. na inilathala> 2,000,000
Blg. ng mga tambilang8
Check digitTinimbang na kabuuan
Halimbawa2049-3630
Pook-sapotissn.org
ISSN na naka-encode sa kodigong baras na EAN-13 na may baryenteng pagkakasunod-sunod na 0 at numero ng isyu na 615-682536;

Ang Pandaigdigang Pamantayang Bilang ng mga Publikasyong Seryal o ISSN ay isang walong-tambilang na numerong seryal na ginagamit bilang natatanging tagatukoy sa isang publikasyong seryal tulad ng magasin.[1] Ang ISSN ay lalong nakakatulong sa pagkilala sa pagitan ng mga seryal na may parehong pamagat. Ang mga ISSN ay ginagamit sa pagbili, pagkakatalogo, mga pagpapahiram sa pagitan ng mga aklatan, at iba pang mga kasanayan na may kaugnayan sa panitikang seryal.[2]

Ang sistemang ISSN ay unang binalangkas bilang isang pandaigdigang pamantayan ng Organisasyong Pandaigdig para sa Pagsasapamantayan (ISO) noong taong 1971 at inilathala bilang ISO 3297 noong 1975.[3] Ang subcommittee ng ISO na TC 46/SC 9 ay inaatasan na panatilihin ang pamantayan.

Kapag ang isang seryal na may kaparehong nilalaman ay nailathala sa mahigit sa isang uri ng media, ibang ISSN ang nakatalaga sa bawat uri ng media. Isang halimbawa nito ay ang paglathala ng maraming seryal sa bersyong nakalimbag at elektronikong media. Ang sistemang ISSN ay tumutukoy sa mga uri na ito bilang print ISSN (p-ISSN) at electronic ISSN (elektronikong ISSN o e-ISSN).[4] Dahil dito, gaya ng tinukoy sa ISO 3297:2007, ang bawat seryal sa sistemang ISSN ay nakatalaga ng linking ISSN (nag-uugnay na ISSN o ISSN-L) na karaniwan ay kapareho ng ISSN na itinalaga sa seryal sa una nitong nailathala na midyum, na nag-uugnay sa lahat ng ISSN na nakatalaga sa seryal sa bawat midyum.[5]

Mga sanggunian[baguhin | baguhin ang wikitext]

  1. "What is an ISSN?" [Ano ang isang ISSN?] (sa Ingles). Paris: ISSN International Centre. Nakuha noong Hulyo 13, 2014.
  2. "Collection Metadata Standards" [Mga Pamantayan sa Koleksyon ng Metadatos] (sa Ingles). British Library. Inarkibo mula sa ang orihinal noong Hulyo 15, 2014. Nakuha noong Hulyo 14, 2014.
  3. "ISSN, a Standardised Code" [ISSN, Isang Naipamantayan na Kodigo] (sa Ingles). Paris: ISSN International Centre. Nakuha noong 13 July 2014.
  4. "The ISSN for electronic media" [ISSN para sa elektronikong media]. ISSN (sa Ingles). ISSN InterNational Centre. Nakuha noong Abril 3, 2020.
  5. "3". ISSN Manual (PDF) (sa Ingles). Paris: ISSN International Centre. Enero 2015. pp. 14, 16, 55–58. Inarkibo mula sa ang orihinal (PDF) noong 2020-07-12. Nakuha noong 2022-04-15. HTML version available at www.issn.org