Petri

«Pello» orriak hona dakar. Finlandiako udalerriari buruzko artikulua hau da: «Pello (Finlandiako udalerria)»

Petri gizon izena da, latineko Petrus-etik datorrena. Izenaren beste aldaerak Peru, Pello (Peio), Petiri, Betiri eta Kepa dira.

Euskaltzaindiaren arabera,^[1] Petri izena latinetik euskarara heldu da, eta dudarik gabe kristau munduan hedadurarik handiena izan dutenetako bat dugu. Kristok berak eman zion izena lehendabiziko aita santua izan zenari: "Simon zara zu, Joanen semea, baina aurrerantzean Kefas deituko zara". Aramerazko —Jesusen hizkuntza da— Kephas "haitza" Petros itzuli zuten lehenik grekoz eta Petrus geroago latinez. Erabileraren ondorioz, aldaera asko daude euskaraz: Peru, Betiri, Petiri, Pello eta, azkenik, Kepa. Azken hori Sabin Aranak eta Koldo Eleizaldek argitaratutako Santu Izendegian proposatu zen, aramerazko jatorrizko Kephas-etik abiaturik.

Aita santua

Sakontzeko, irakurri: «San Petri»

San Petri Jesukristoren apostolua eta izenaren sortzailea da, Elizaren Katolikoaren lehenengo aita santua.

Erromako Eliza Katoliko, Eliza Ortodoxo eta Eliza Anglikanoaren ustetan, Simon da Petri santua, eta Erroman Elizako sorrerarekin lotzen dute, nahiz eta egungo kristautasunean horren garrantzia eta aita santuaren nagusitasuna zehaztean bat ez etorri. Batzuek argudiatzen dute haren nagusitasuna ohorezkoa baino ez zela, hau da, berdinen artean burua. Batzuen irudikoz, nagusitasun hori ez zen ondorengoei igarotzekoa.

Lehenengo aita santua izendatzeko, Euskaltzaindiak araututako izena Petri da.^[2]