Wikipedia:Asine as súas mensaxes nas páxinas de conversa

Na Galipedia, a Wikipedia en galego.

Forma parte da etiqueta da Wikipedia asinar os comentarios nas páxinas de conversa de calquera espazo de nomes. Para isto normalmente emprégase os símbolos (~~~~). É un aspecto esencial para a comunicación, ademais de axudar os outros usuarios a comprender o progreso e evolución do diálogo.

Os artigos do espazo de nomes principal non deben incluír ningunha sinatura dos editores.

Propósito das sinaturas[editar a fonte]

As sinaturas na Wikipedia teñen o propósito de identificar os distintos usuarios e as súas contribucións. Axudan a manter conversas cívicas identificando ao autor dun comentario particular xunto coa data do propio comentario. Debido a isto, é recomendable ter unha sinatura que cumpra unhas certas normas. En xeral, calquera cousa que non permita a política de nomes de usuario non debe incluírse tampouco nunha sinatura.

Preferencias da sinatura[editar a fonte]

Os usuarios rexistrados poden cambiar a súa sinatura e personalizala nas preferencias de usuario. Para máis información sobre como cambiar a sinatura, vexa Axuda:Como mellora-la miña sinatura.

Cando se deben empregar as sinaturas e cando non[editar a fonte]

Atallo:
WP:NAS

Tódalas mensaxes que un usuario deixe nas páxinas de conversa de usuario, páxinas de conversa de artigos e calquera outra páxina de conversa deben incluír unha sinatura. As edicións nos propios artigos non deben ir asinadas, o historial do artigo xa inclúe a autoría de cada edición feita nos artigos. As sinaturas non deben incluírse nos resumos de edición e os ficheiros e imaxes empregados nos artigos non deberían incluír tampouco sinaturas dos editores.

Como asinar as mensaxes[editar a fonte]

As sinaturas poden incluírse de dúas formas:

  1. Ao final dos comentarios, escribindo catro tiles: ~~~~.
  2. De usar a barra de ferramentas de edición, facer clic na icona de sinatura dando coma resultado: --~~~~.

As catro tiles substituiranse automaticamente coa súa sinatura tras gardar os cambios, da forma seguinte:

Texto introducido Código resultante Texto amosado
~~~~ [[Usuario:Exemplo|Exemplo]] ([[Conversa usuario:Exemplo|conversa]]) 23:04, 28 marzo 2024 (UTC) Exemplo (conversa) 23:04, 28 marzo 2024 (UTC)

Teña en conta que se escolle editar de forma anónima sen rexistrarse tamén debe asinar as súas mensaxes. Neste caso o seu enderezo IP tomará o lugar do nome de usuario e ligará ao seu historial de contribucións. O seu enderezo será da forma 192.0.2.213 ou 2001:DB8:CEEE:21B:DB60:07FE:4277:63FF.

Restricións ás sinaturas[editar a fonte]

Falsificación de sinaturas[editar a fonte]

Nunca use a sinatura doutro editor. Imitar a outro editor usando o seu nome de usuario non está permitido. Alterar o código da sinatura para que semelle a de outro usuario tamén pode considerarse unha forma de imitación ou falsificación. Editar o código da sinatura para que ligue a páxina de usuario doutro editor non está permitido.

Contido[editar a fonte]

  • O texto da sinatura non debe brillar intermitentemente ou desprazarse.
  • Non inclúa saltos de liña (<br />) ou liñas horizontais (---- ou <hr />) no código da sinatura.
  • A sinatura debe conter o nome de usuario e a ligazón á páxina do usuario como mínimo para facilitar a identificación do mesmo. Recoméndase incluír tamén unha ligazón á páxina de conversa do usuario para facilitar o acceso á mesma.
  • En ningún caso a sinatura pode conter insultos, palabras malsoantes ou texto ofensivo ou insultante cara ningunha institución (pública ou privada), persoa ou outro usuario da Wikipedia.
  • Así mesmo non se permite engadir publicidade de ningún tipo na sinatura.
  • Non se permite engadir ligazóns a páxinas web externas alleas aos proxectos Wikimedia na sinatura.
  • A sinatura debe sinalar a data e hora da edición para poder cumprir o seu obxectivo. Non se pode firmar unicamente co nome de usuario.

Tamaño da fonte[editar a fonte]

  • En ningún caso se poderá aumentar o tamaño da fonte empregada na sinatura por riba do tamaño estándar do texto da Galipedia.
  • Só se pode reducir o tamaño da fonte na parte que liga á paxina de conversa do usuario, a parte que liga á paxina do usuario debe permanecer no tamaño estándar para facilitar a súa lectura.

Cores[editar a fonte]

  • Permítese o uso de calquera cor ou combinación de cores na sinatura.
  • Xa que algúns usuarios poden ter problemas de visión, teña precaución no uso de cores. Intente asegurar que a combinación de cores empregada sexa lexible para usuarios con daltonismo ou calquera outra discapacidade visual.

Imaxes[editar a fonte]

As imaxes non deben empregarse nas sinaturas polos seguintes motivos

  • Provocan un gasto innecesario de recursos nos servidores.
  • A imaxe pode ser substituída por outra co mesmo nome, provocando que a sinatura sexa obxectivo de posibles vandalismos.
  • Dificultan a lectura das páxinas e as procuras nas mesmas.
  • Dificultan a copia do texto das páxinas.
  • Teñen o potencial de distraer a atención do propio contido das mensaxes.
  • As imaxes non escalan correctamente co texto.
  • Engaden ligazóns innecesarias nas páxinas de descrición das propias imaxes cada vez que se empregan nunha sinatura.

Uso de modelos[editar a fonte]

  • Non se permite o uso de modelos e funcións analíticas nas sinaturas (por exemplo: {{Usuario:Nome/sinatura}} polos seguintes motivos:
    • Os modelos nas sinaturas son un obxectivo fácil para os vandalismos.
    • Os modelos nas sinaturas supoñen unha pequena pero innecesaria carga nos servidores.
    • As notificacións a usuarios non funcionan se a sinatura do usuario mencionado contén un modelo.
  • O uso de substitución de modelos nas sinaturas si é permisible (por exemplo: {{SUBST:Usuario:Nome/sinatura}}), mais non está recomendado debido ao risco de vandalismo.
    • Os usuarios que decidan empregar un modelo substituído na súa sinatura deben revisar con precaución a súa sinatura cada vez que a usen.
    • O proceso de substitución non debe empregarse como forma de evitar o resto de restricións ás sinaturas.

Categorías[editar a fonte]

As sinaturas non deben conter nin facer uso de categorías.

Comentarios sen asinar[editar a fonte]

O modelo {{subst:sen sinatura}} pode empregarse ao final dun comentario para engadir o nome de usuario ou IP ao comentario. A información deste pode tomarse do historial da páxina, e o modelo debe empregarse sempre substituído.

Recoméndase tamén avisar ao usuario que esqueceu asinar deixando a mensaxe predefinida {{subst:au-asinar}} na súa páxina de conversa de usuario.

Véxase tamén[editar a fonte]

Outros artigos[editar a fonte]


Frecha. Volver á páxina de axuda.