Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 205.278 məqalə mövcuddur.

Həftənin seçilmiş məqaləsi

Müqəddəs Pyotr bazilikası — Roma daxilində Papalıq anklavı olan Vatikan şəhərində yerləşən İtalyan intibahı dövrünə aid kilsə. Əsasən Donato Bramante, Mikelancelo Buonarotti, Karlo Maderno və Covanni Lorenso Bernini tərəfindən dizayn edilmiş kilsə, İntibah memarlığının ən məşhur nümunələrindən və dünyanın ən böyük kilsələrindən biridir. Katolik kilsəsinin ana kilsəsi və ya Roma yeparxiyasının kafedralı olmamasına baxmayaraq, Müqəddəs Pyotr bazilikası katolisizmin ən müqəddəs ziyarətgahlarından biri hesab edilir. O, "xristian dünyasında unikal mövqeyə malik" və "xristian dünyasının ən möhtəşəm kilsələrindən biri" kimi təsvir edilir. Katolik ənənəsinə görə kilsədə İsanın on iki həvarilərindən biri olan və ilk Roma Papası hesab edilən Müqəddəs Pyotr dəfn edilmişdir.

(Davamı...)

Həftənin yaxşı məqaləsi

İsmayıl Şəms — ədəbiyyatşünas, şərqşünas, tərcüməçi, 21 Azər hərəkatının iştirakçısı. Onun təşəbbüsü ilə 1941-ci ildə Təbrizdə Azərbaycan Cəmiyyəti yaradılıb. Azərbaycan Milli Hökuməti dövründə Ali Məhkəmənin və müsadirə komissiyasının və Azərbaycan Milli Hökumətinin Konstitusiyasının yazılması ilə bağlı yaradılmış komissiyanın üzvü olub. Azərbaycan Milli Hökumətinin rəsmi orqanı olan "Azərbaycan" qəzetinin və Milli Məclisin rəsmi orqanı olan "Azad Millət" qəzetinin redaktoru olub. Azərbaycan Milli Hökuməti dağıldıqdan sonra mühacirət edib. Bakıya gəldikdən sonra Azərnəşrdə bədii ədəbiyyat şöbəsinin redaktoru, Bakı Dövlət Universitetində Şərqşünaslıq fakültəsinin Ərəb dili kafedrasının müdiri olub.

(Davamı...)

Həftənin seçilmiş siyahısı

Böyük Moğol İmperiyası hökmdarlarının siyahısı — Böyük Moğol İmperiyasını idarə etmiş hökmdarların ümumi siyahısı. Böyük Moğol İmperiyasının əsası 1526-cı ildə qoyulmuşdur. Dövlətin ilk hökmdarı Babur şahdır. Sonuncu hökmdar isə II Bahadır Şah olmuşdur. Böyük Moğol İmperiyası mövcud olduğu 332 il ərzində 19 hökmdar tərəfindən idarə edilmişdir. Böyük Moğol İmperiyasının əsası Zahirəddin Məhəmməd Babur tərəfindən qoyulmuşdur. Babur ata tərəfdən Teymurilər sülaləsindən, ana tərəfdən isə Çingizlilər sülaləsindəndir. Baburun atası Əmir Teymurun nəvəsi olan Ömər Şeyx Mirzə Barlas idi. Baburun anası isə Çingizlilər nəslindən olan Yunus xanın qızı Qutluq Nigar xanım idi.

(Davamı...)

Günün seçilmiş şəkli

Xəbərlər

İsrailin İrana hərbi zərbələri (şəkildə) nəticəsində İrana məxsus bir çox hərbi və nüvə obyektləri vurulub, bəzi hərbi və mülki vəzifəli şəxslər öldürülüb.
Hindistanın Əhmədabad şəhərində baş verən təyyarə qəzası nəticəsində 260-dan çox insan həlak olub.
"The Beach Boys" rok qrupunun həmtəsisçisi Brayan Vilson 82 yaşında ölüb.

Aktual hadisələr: HƏMAS–İsrail müharibəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Violeta Çamorro, Qazi Yaşargil, Ferdi Zeyrek, Ayşə Seyidmuradova, Stenli Fişer, Corc E. Smit

Bilirsinizmi?

Cənub-Şərqi Asiyada yaşayan bəzi güvə növləri insanların göz yaşları ilə qidalanır (şəkildə).
Qriffit Park Zooparkında saxlanılmış Qorxunc İvan adlı ağ ayı 11 illik yoldaşı Lena da daxil olmaqla üç ağ ayını öldürmüşdür.
Zülqədəroğulları bəyi Əli atasının qisasını almaq məqsədilə Məmlük sultanı II Tumanbəyi Qahirədə asmışdır.
Polyakəsilli Rusiya iş adamı Alfons Kozell-Poklevski "Sibirin vodka kralı" kimi tanınmış, daha sonra "sibirli Rokfeller" adlandırılmışdır.
Arqo adlı küçə iti hər gün Pompey xarabalıqlarını ziyarət etmiş və onun "qoruyucusu" hesab olunmuşdur.