گت صفحه
اینتا ویکی ا‌رکه مای ِ ۱۵۱۷ تبری (Apr. 2006) بساته بَیّه و اسا ۶۴٬۰۸۴ تا بَنویشته مازرونی زوون (گِلِکی/تبری) جه دانّه
هفتگی بنویشته
_01.jpg?lang=en)
مارکوس اورلیوس آنتونیوس اتا روم امپراتور بی‌یه که میون سال‌های ۱۶۱ و ۱۸۰ میلادی حکومت داشته و اتا رواقی فیلسوف هم بی‌یه. وه نروا–آنتونی سلسله دله دنیا بمو و این خانواده‌یِ پنج‌تا خار امپراتور دله، آخرین نفر بی‌یه. وه آخرین امپراتور بی‌یه که رومی صلح دوره دله دیّه و این صلحِ دوره ونه زمونه سر بیّه. مارکوس اورلیوس سال‌های ۱۴۰, ۱۴۵, و ۱۶۱ بعنوان روم کنسول هم خدمت هکرده.
مارکوس اوریلیوس ِپی‌یر نوم ره «مارکوس آنیوس وروس» گتنه که قاضی (پرائتور) بی‌یه و ونه مار نوم ره هم «دومیتیا کالویلا» گتنه. مارکوسِ پی‌یر شه ره ازدواج جه تراجان و هادریان امپراتورها جه وصله بزو ولی وقتی مارکوس سه ساله بی‌یه بمرده و مارکوس ره ونه مار و گت‌ببا داشتنه و گت هاکردنه. اون گدر که امپراتور هادریان ِخوردی ریکا، «آئلیوس سزار»، سال ۱۳۸ دله بمرده، هادریان باته که مارکوس ِعامی که ونه نوم ره آنتونیوس پیوس گتنه، ونه مه جانشین و ولیعهد بوئه. زمونی که آنتونیوس دست قدرت دکته، شه برار-زا مارکوس اورلیوس ره شه پلی بیارده و وه ره لوسیوس وروس (آئلیوس سزار ِصغیر ریکا) همراه شه وچه قبول هاکرده. همین سال هادریان بمرده و آنتونیوس شاه بیّه. مارکوس اورلیوس که اسا ولیعهد بئی بی‌یه ره بَوِردنه مدرسه و یونانی و لاتین یاد بدانه و وه ره هرودس آتیکوس و مارکوس کورنلیوس فرونتو دست‌بن درس یاد هدانه. وه آنتونیوس ِکیجا، فائوستینا جه سال ۱۴۵ ازدواج هاکرده.
سال ۱۶۱ بی‌یه که آنتونیوس بمرده و مارکوس اورلیوس قبول هاکرده که لوسیوس وروس جه هم‌بازی امپراتور بوو. ونه سلطنت گدر روم ِامپراتوری خله جائون جنگ دکته. ونه شرقی سامون ره اشکانیون نهب شینه که لوسیوس وشون ره شکست هدا و ارمنی شاهون جه درگیر بی‌یه. مارکوس این گدر مارکومانی، کوئادی و سرمتیون اقوام که شمال جه حمله کردنه ره مارکومانیک جنگ دله شکست هدا ولی ژرمنی‌تبارون خط-نشون بکشی‌ین دمباله داشته. مارکوس اورلیوس دستور هدا که روم ِپول دله کمتر نقره دَشنن و ونه خالصی ره کمته هاکرده. بنظر اِنه که ونه دوره مسیحیت روم دله ویشته سرکوب بی‌یه ولی هیچ بنویشته‌ای دنی‌یه که سراق هاده مارکوس شخصاً این کار دله نقش داشت بوئه؛ حتا ترتولیان کتاب دله گنه که وه مسیحیون ِمحافظ بی‌یه. سال ۱۶۵ یا ۱۶۶ اتا نخش مریضی دکته و پنج تا دَه میلیون رومی ره طاعون بکوشته که اتاشون لوسیوس وروس بی‌یه که سال ۱۶۹ بمرده.
مارکوس اورلیوس هچکی ره شه وارث و ولیعهد نی‌یشته. ونه کیجا لوسیا بی‌یه که لوسیوس جه ازدواج هکرد بی‌یه و کومودوس احتمالاً ونه ریکا بی‌یه که مارکوس جاسر هنیشته ولی تاریخ‌دون‌ها اینتا مسئله سر گپ دارننه. مارکوس اورلیوس جه اتا شلمون (ستون) و اتا موجستمه هنتا رم شهر دله کته که ونه جنگ دله برنده بیّن ره یاد یارنه. «مدیتیشن» هم کتابی هسه که وه بنویشت بی‌یه و فلسفه موضوع دارنه و رواقیون فکر ره میّن کنده. این کتاب ره هنتا که هنتا هسه، خله گت آدمون تعریف کنّه.
هفتگی عکس
.jpg?lang=en)
آلوکک، سیاه هلی، هَلار، هلی کک یا هُلدانه اتا بومی دار هسته که گل سرخ تیره جه و آلبالو جنس هسته. پیش از بهار ونه ولگ تی‌تی کنده و ونه میوه سرخ و سیو رنگ هسه و بهارِ اواخر یا تابستون دله رَسِنه.
امروز واری روز
امروز دِشمبه، ۱۶ ژوئن ۲۰۲۵ میلادی هسته که ۲۳ وَهمِنه ما ۱۵۳۶ تبری جه برابری کنده.
.jpg?lang=en)
امروز:
- ۱۵۱۵ - ایسپانیایی دریانوردون اتا سفر دله، آرژانتین جه برسینه.
- ۱۷۷۹ - ایسپانیا، بریتانیا ره اعلان جنگ هدائه.
- ۱۹۶۳ - والنتینا ترشکُوا (عکس دله) که شوروی ِاتا فضانورد بی‌یه، دنیا دله اولین فضانورد زن بیی‌یه.
- ۱۹۷۶ - «سُووِتو» جنوبی آفریقا دله، هزارون دانش‌آموز که مخالفت بینه که آفریکانس مدارس دله به عنوان رسمی‌زوون تدریس بووئه، اعتراض هاکردنه و پلیس ِشلیک هاکردن جه، اتا سراسری قیوم راه دکته.
روز بعد: ۱۷ ژوئن – روز قبل ۱۵ ژوئن
خـَوِرون
.jpg?lang=en)
- اسراییل صبح‌جمندر ایران ره حمله هاکرده و ونه هسته‌ای تأسیسات و نظامی و هسته‌ای گت آدمون ره بزو-بکوشته. (عکس ونه شٮنه)
- پاریس سن ژرمن تیم، یوفا چمپیونز لیگ ۲۰۲۴–۲۵ فصل ره قهرمان بیه.
- کوردستون کارگرون حزب (پ‌ک‌ک) منحل بیّه.
- پاپ فرانسیس، کاتولیک کلیسای رهبر، بمرده و لئون چاردهم ونه جانشین بیه.
- ماریو بارگاس یوسا، پرویی نویسنده، بمرده.
ویکی‌پدیا اتا دایرةالمعارف هسته که جمعی، آنلاین، جهونی، چن‌زوونه و بر اساس ویکیِ سَبک هسته. این پروژه‌یِ اَرمون این هسته که محتوایی تولید هاکنه که آزاد بوئه، وه ره بوو اَی استفاده هاکردن، عینی و قابل تأیید بوئه و همه تونن وه ره دچینن یا اصلاح هاکنن تا بتتر بوو.
ویکی‌پدیایِ صفحه‌ئون ره داوطلب آدمون نویسنّه. وشون شه تلاش ره کننه که جامعه‌ای درینگنن که کایری جه پیش بوره و بی‌اونکه ات نفر وه ره هماهنگ و رهبری هاکنه، شه هدار ره پیدا هاکنه.
ویکی‌پدیا شه وسّه ات‌سری پایه‌ای اصول دارنه. ونه درون، گردِ محتوا Creative Commons BY-SA مجوز په درنه؛ همینسه هرکس تونده وه ره ات‌سری شروطِ جا کپی هاکنه و اَی همین مجوز جه تنک‌ته هاکنه. ویکی‌پدیا دله هرچی کته مفتی، بدون تبلیغات و بدون این که ونه نویسنده‌ئونِ هویت دیار بوو، هسته.
هر کسی تونده شه بنویشت ره اینجه بی‌یله و فوراً ونه دچی، صفحه دله دیار وونه. همین‌جور کارورونی هم داوطلب وونّه که باقیِ دچی‌یه‌ئون ره بررسی هاکنن که ویکی‌پدیایِ قوانین جه جور هسته یا نا. کایری صفحه دله یاد گیرنی که چتی اکانت وا هکنین و مقاله بساجین. راهنمایی صفحات هم درنه که تازه‌کارون ره یاد دنّه که چتی ویکی‌پدیا دله فعالیت هاکنن. اگه سؤالی پیش بمو هم تونّی هاپرسین و جواب بیرین.
مازرونی ویکی‌پدیا خله موضوعات وسّه هنتا مقاله ندارنه؛ شما تونّی کومِک هاکنین و نو مدخل بساجین یا اون مقالاتی که دارنه ره «دچی‌ین» جه بتتر هاکنین. اگر عضو بوئین، سیستم شمه کایری ره شمه نوم جه ثبت کنده و تاریخچه دله بنشنه پیدا هاکردن که شما چتی هاکردنی. عضو بیّن و کاروری حساب بساتن وسّه، اینتا پولِک ره جِغ هادین:
اگر خانّی که اتا نو مقاله بساجین، اول ونه چرخه‌تو هاکنین و بگردین که این موضوع مازرونی ویکی دله دره یا نا. اگه دنی‌بی‌یه، این کادر دله مقاله عنوان ره بنویسین و «بساتن» پولِک ره بزنین تا مقاله‌بساتنِ کادر دیار بوو و ونه درون شه دلوس متن ره بنویسین و آخر وه ره ثبت هاکنین:
گت رَجون
- پایه‌یی علوم
بیولوژی • جوغرافی • اِساره‌شناسی • زمین‌شناسی • فیزیک • شیمی • ریاضی
- کاربردی علوم
اقتصاد • کامپیوتر • تکنولوژی • کارون • صنعت • سازمان
- انسانی علوم
اجتماعی • تاریخ • ادبیات • دین • زوون‌شناسی • سیاسِت • فلسفه • جنسی مسائل • روان‌شناسی
- فرهنگ و هنر
معروف ِآدِمون • هنر • فرهنگ • فیلم • موسیقی • رسانه‌ئون • ورزش
ویکی‌مدیایِ دیگه سایتون
ویکی‌مدیا ات‌خله پروژه دارنه که همه آزاد محتوا دارنه. اتاشون ویکی‌پدیا هسته که آزادِ دانشنومه یا دایرةالمعارف هسته. باقیِ سایت‌هایی که ویکی‌مدیا شنه، ره این بِن تونّی هارشین:
  کاسپینی زوونون |
 دیگه زوونون |
English (اٮنگٮلیسی) • Deutsch (آلمانی) • Français (فرانسوی) • Svenska (سوئدی) • Nederlands (هۏلندی) • Русский (روسی) • Español (اٮسپانیولی) • Italiano (ایتالیایی) • Polski (لهستونی) • 日本語 (جاپونی) • 中文 (چینی) • українська (اۏکراینی) • العربية (عربی) • Português (پرتغالی) • فارسی
Català (کاتالونی) •
Bahasa Indonesia (اندونٮزیایی) •
한국어 (کۏره‌یی) •
norsk bokmål (نۏروژی) •
нохчийн (چچنی) •
suomi (فلاندی) •
Türkçe (تۏرکی) •
čeština (چکی) •
magyar (مجاری) •
татарча (تاتاری) •
Srpskohrvatski / Српскохрватски (صربی-کۏرواتی) •
română (رومانیایی) •
Euskara (باسکی) •
Esperanto (اٮسپرانتو) •
עברית (عبری) •
Հայերեն (اَرمِنی) •
dansk (دانمارکی) •
български (بۏلغاری) •
oʻzbekcha (اۏزبکی) •
Simple English (ساده اٮنگٮلیسی) •
تۆرکجه (آذربایجانی) •
Ελληνικά (یونانی) •
اردو •
मुखपृष्ठ|हिन्दी (هٮندی) •
Latina (لاتین)
|