Acteu

Acteus in costume d'époque, plaisantant in attindant chés prises d'vue d'un téléfilm à l'ôtel Somerset à Londe.

Un acteu, obin un comédien, ch'est un artisse qui prète sin fisique obin s'voés à un parsonnache fictif dins eune euve, ach chinéma, ach téïate, à l'télévision, à l'radio obin incore dins un ju vidéo, conformémint à chertaines convincions artistike.

Étimolodjiquemint, ech « comédien » ch'est un acteu pus particulièremint éspécialisé dins chele comédie (κωμῳδία / kômôidía), ed meume eq ech « tragédien » est davantage ésécialisé dins chele tragédie (τραγῳδία / tragôidía), chés deus grinds ginres dramatiques tradichionnels étint chele tragédie pi chele comédie. Ech drame (dech latin « drama », imprunté ach grec anchien δρᾶμα / drâma, qui sinnifie « accion (téïatrale), accion juée dseur schène, pièche ed téïate ») désinne étimolodjiquemint toute accion schénique.

Chele distribuchon est l'terme désignant l'insimbe des acteus choésis (parfoés à l'issue d'eune audicion) pour tnir chés roles d'un film o d'eune pièche ed téïate.

Ech princhipal suport ed l'acteu est l'texte moais il peut égalemint s' servir dech mime, del danse obin dech cant, chelon chés besoins d'sin role, notammint dins chés comédies musicales.

Étimolodjie

Ech terme « acteu » (ach feuminin « acteuse ») est issu dech latin actor (chelui qui intarprète un parsonnache dins l'cade d'eune mise in schène, « chelui qui foait, l'exécuteu ».

Historique

Ech prumier acteu srait ch' Grec Thespis (ou Thespus) qui auroait jué in 534 av. J.-C. ach téïate d'Atène pour chés fètes ed Dionysos, dvenant inchi l'prumier à intarpréter des paroles, séparémint dech koeur, dins eune pièche d'téïate. Avint li, chés histoères étoétte racontées aveuc des danses obin des canchons, à l'troésième parsonne, moais autchune trache d'histoère racontée à l' prumière parsonne.

Chole acteu est unique à l'origine pi, seul protagonisse, il parle aveuc ech tchoeur. Ech dramaturge grec Eschyle est l'prumier à introduire un deusième parsonnache (ech deutéragonisse). Pi Sofoklès in foait intervnir un troésième : ech tritagonisse. L'existinche dins l'Antitchitè d'un tétragonisse est distchutée.

In Franche, chés métiers dech téïate sont longtimps réservés à chés onmes, donnant liu à des excommunicacions d'acteus ; che n'est qu'in 1603, à l'ocasion d'eune tournée téïatrale d'eune troupe italienne, qu'eune feume, Isabella Andreini, obtint ch' droét ed monter dseur schène. L'édit roéyal dech 16 d'avri 1641 ed Louis XIII est l'précurseu dech estatut d'comédien dont l'travail « n'puisse leu ète imputé à blâme, ni préjudice à leu réputacion dins l'conmerche public ».

L'acteu pi sin parsonnache

L’acteu ch'est chelui qui met in acte, in accion, ech texte écrit pèr ch' dramaturge, pi chés situacions organisées pèr ch' metteu in schène. Ch'est lui qui agit pi donne vie au parsonnache. Dins chertains cas conme chés spectacles d’improvisacion (pèr eximpe chele commedia dell'arte), il peut ète li-meume l'unique créateu d'sin role.

Il exisse eune ambiguïté constante intre chele parsonnalité dech role pi chelle d'sin intarprète. Che paradoxe o notammint té esposé pèr Diderot dins sin Paradoxe dseur ch' comédien. In raconte qu'un acteu romain dech nom d'Ésope, importé pèr chele folie dech parsonnage d'Oreste, assassina un d'ses partenaires ; d'meume, l'acteu Genest s' srait converti, importé pèr chele foé d'sin parsonnage, pi fut meume sanctifié (pour avoér subi ech martyre, pi non pour s'passion dech téïate…). L'acteu cange d'idintité afin ed pouvoér incarner tel obin tel aute parsonnage, chepindant chés cas ed confusion mintale sont rarissimes pi l'acteu doét rester li-meume pour créer artistikemint un caractère. L'idintification à sin parsonnage n'est jamoais totale, dsous peine ed folie. L'acteu puise à chele foés dins sin vécu pi sin imaginaire pour créer un role. L'Église catholique, pindant des sièkes, o vu d'un fort mauvoais œil chole capachitè à dissimuler obin à transformer chele nature profonde d'sin ète : chés acteus furent excommuniés à partir ed l'an 398. Molière fut interré à chele sauvette, pil il fallu attindre ech XX^e sièke pour qu'eune acteuse, conme Sarah Bernhardt pèr eximpe, puisse avoér des obsèques nacionales.

Ech jueu ed l'acteu

Ech « jueu ed l'acteu » intervient souvint in complémint d'un aute art. S'il est partie intégrante des arts tradichionnels (arkitecture, sculpture, pinture, gravure, musique), il peut auchi exister seul (eune lecture ed texte, un éspectake d'improvisacion, pèr eximpe) obin s'ajouter à chés autes arts, notammint cheus où l'intarprétacion est séparée del créachon : téïate, télévision, chinéma.

Pour construire sin ju, l'acteu pratique un intraînemint. Chole intraînemint exerce pi développe chele erlacion à chés autes pi chele erlacion à soé-meume. Pour éviter eq chole intraînemint devienne eune forme répétitive vide ed ju, l'acteu cultive sin imaginacion pour qu'al invoée toudis des imaches qui vont motiver chele forme répétée. Inchi un acteu s'lèvera pus fachilemint pi pus justemint s'il croét attraper un objet, au liu d's'intraîner à s'lever pour uniquemint s'muscler. L'acteu développera ses exercices chelon s'coordinacion, sin ékilibe, pi l'ésploracion des limites d'sin cors, sans brutalité.

In développant sin sistème, Constantin Stanislavski, l'un des fondateus dech téïate dech XX^e sièke, a montré eq che qu'il lonme chele mémoére émotionnelle ed l'acteu est au chintre dech ju jusse : à partir dech momint dousqu' l'in peut ertrouver l'mémoére des émocions parsonnelles vécues in peut chés erssintir lorse d'eune présintachon pi inchi ésprimer ed fachon vrée un role. Malheureusemint, chele mémoére est souvint capricieuse. Pour chele favoriser, il o proposé del solliciter pèr des séries d'accions fisiques, correspondant au role, amenant l'intarprète dins l'étot émotionnel conservé in lui obin in al. Chole approche o té développée pèr Jerzy Grotowski, pi plein d'autes. Chepindant, Michel Tchekhov, un élève ded Stanislavski, n'erconnoaissoait pos l'existinche des émocions personnelles. Pour ariver à un ju jusse, il propose putôt ed « colorier » chés accions, coloracion vue conme eune approche dech sintimint, d'sin éveil, imitant eune vision eq nos aurions, pi qui nos srait proposée dins un espache extérieur. On jue d'abord l'accion ach cours ed l'exercice, l'approche dech sintimint n' s'faisant eq prudemmint, non pos in l'ésprimant, moais in ch' coloriant, in donnant eune chertaine excitacion (linteu, attintcion, joie, fatigue…) qui, al, invitera peut-ète à l'émocion.

Chés acteus intraînette égalemint leu mémoére sinsorielle, obin mémoére des sins. Pèr chole mémoére, ch' cors tout intier s' souvient ed che qu'il o vécu. Il est possibe del travailler in se souvenant d'un événemint del veille. Chele marque ed cette mémoére est eq sin réveil foait bouger, ed fachon incontrôlabe, sin cors. Pèr chole discipline, chés émocions peuvette s'délivrer libremint pi justemint, intactes chelon chele situacion vécue, pèr rapport à chele situation juée. Ch'est pour cho eq chacune, chacun, doét s'entraîner à gouter ses émocions, meume chés pus habituelles.

Loïens intarnètes

• Notices dins des dictionnaires obin inciclopédies généralisses : Den Store Danske Encyklopædi • Inciclopédie ed l'Oucrinne moderne • Gran Enciclopèdia Catalana • Universalis