Amihan

Sa Filipinas, an amihan nagpapanungod sa kapanahonan na dominado kan trade winds, na na-eeksperiyensya sa nasyon bilang malipot na amihanan-subangan na duros. Karakterisado iyan nin moderatong temperatura, dikit o mayong pag-uran sa sentral asin solnopan na kabtang kan Luzon asin Visayas, asin an nagdadanay na duros gikan sa subangan. Sa subangan na baybayon kan Luzon nagdadara iyan nin tagiti asin squalls. An epekto sa Mindanao relatibong mas dikit kaysa sa amihanan na kabtang kan nasyon.

As a rule of thumb, an pattern kan panahon na amihan kan Filipinas nagpopoon kun minsan sa katahawan sagkod sa huring Oktobre o Nobyembre asin nagtatapos kun minsan sa Marso o kaamayan kan katahawan na Abril. Posibleng igwa, alagad, na mahiwason na pagkakalaen taon-taon.

Sa bilog na taon kan Filipinas nakaka-eksperyensya nin solnopan o habagatan-solnopan na duros, o an habagatan-solnopan na monsoon, pigpanongdan bilang habagat, na kun minsan sa katahawan sagkod sa huri kan Mayo o Hunyo asin nagtatapos kun minsan sa Oktobre. An kapanahunan nin habagat karakterisado kan mainit asin maalingahot na panahon, paminsan-minsan na pag-uran, asin an nagdadanay na duros gikan sa solnopan na kabtang.

An pangenot na indicator kan pagliwat sa pag-ultanan kan amihan asin habagat seasonal patterns iyo an pagliwat sa direksyon kan duros. Sa kadaklan kan taon an transisyon na ini halipot sana asin nangyayari nin mag-aga. Sa ibang mga taon igwang peryodo nin haros saro o duwang semana kun saen an duros maliwat sa pag-ultanan kan amihan asin habagat patterns nin nagkapirang beses bago magtinir sa pattern para sa bagong kapanahunan na maabot.