Asino

Asino
Асино
by
Land	Russland
Føderasjonssubjekt	Tomsk oblast
Areal	90 km²
Folketal	24 913 (2021)
Grunnlagd	1896
•  Bystatus	1952
Postnummer	636840
Retningsnummer	+7 38241
Bilnummer	70
Asino 57°N 86.15°E / 57; 86.15
Wikimedia Commons: Asino

Asino (russisk А́сино) er ein by i Tomsk oblast i Russland med om lag 25 000 innbyggjarar. Han ligg ved elva Tsjulym, ei sideelv til Ob, rundt 90 km nordaust for Tomsk.

Historie

Byen vart grunnlagd i 1896 som busetnaden Ksenijevka eller Ksenijevskij, kalla opp etter systera til den siste russiske tsaren, Nikolai II, storfyrstinne Ksenija (Xenia) Aleksandrovna. I 1930 starta bygginga av jernbanen Tomsk–Ksenijevskoje. Byen skifta namn til Asino i 1933, etter jernbanestasjonen. Namnet Asino kjem av Asja, eit russisk diminutiv av Ksenija. Han fekk bystatus i 1952.

Økonomi

Asino er eit sentrum for tømmerretta verksemd som hogst, treforedling og storskala utskipning av tømmer. I tillegg har området kjøtt- og mjølkekombinat og ein linfabrikk.

Jordbruket i Asinoregionen er prega av rug, kveite og lin, samt oppdrett av kveg og svin. Førekomstar av torv, sand og leire finst òg i området.

Byen har elvehamn ved elva Tsjulym og ein jernbanestasjon.

Kjelder

• Delar av denne artikkelen bygger på «Asino» frå Wikipedia på bokmål, den 29. januar 2009.

Bakgrunnsstoff

Commons har multimedium som gjeld: Asino

• Offisiell nettstad