Asus

ASUSTek Computer Inc.

Tipe	Publieke maatskappy
Gestig	2 April 1990
Hoofkantoor	Beitou-distrik, Taipei ,  Republiek China (Taiwan)
Gebied bedien	Wêreldwyd
Sleutelpersone	Jonney Shih (voorsitter) Jerry Shen (hoof uitvoerende beampte)
Produkte	Tafel- en skootrekenaars, netboekrekenaars, rekenaarskerms, bedieners, werkstasies, moederborde, grafiekkaarte, netwerktoerusting, optiese stoormedia, selfone, multimediaprodukte
Inkomste	19,07 miljard VSA-$ (2010)
Aantal werknemers	113 324 (2010)
Webwerf	asus.com

ASUSTeK Computer Inc. (Asus) (Chinees: 華碩電腦股份有限公司; Pinyin: Huá Shùo Diànnǎo Gǔfèn Yǒuxiàn Gōngsī, letterlik "Die Groot Wonderlike Rekenaarkorporasie"), algemeen bekend as Asus, is 'n groot Nasionaal-Chinese vervaardiger van rekenaar-hardeware en elektroniese verbruikersware. Sy huidige reeks produkte sluit moederborde, tafel- en skootrekenaars, netboeke, rekenaarmonitors, tabletrekenaars, bedieners en selfone in. Asus vervaardig daarnaas ook komponente vir ander maatskappye in die inligtingstegnologiebedryf, waaronder Dell, Falcon Northwest, Hewlett-Packard en Apple, Inc..

Die multinasionale maatskappy het sy hoofkwartier in die Taiwannese hoofstad Taipei. Sy aandele word onder die afkorting 2357 op die Taiwannese Effektebeurs en onder ASKD op die Londense Effektebeurs verhandel. In Januarie 2008 is die maatskappy in drie selfstandige sake-afdelings verdeel: Asus, Pegatron en Unihan.