Atom

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Atom

Un atom di helium. E núkleo atómiko (ros) ta rondoná pa un nubia di dos elektrón (pretu). E núkleo atómiko ta konsistí di dos proton i dos neutron. En realidat, un atom ta sfériko.

Konstrukshon di materia

Atomnan ta e blòkinan di konstrukshon fundamental di materia. Nan ta partikulonan sumamente chikitu for di kua tur supstansia ta komponé. Elementonan manera zürstòf, aluminio, kloro, oro i plata ta konsistí di solamente un tipo di atom. Na kontraste, supstansianan manera awa of salu ta konsistí di kombinashon di diferente tipo di atom.

Tin mas ku 100 tipo di atom konosí, tambe yamá elementonan (kímiko). Kada elemento tin un nòmber, manera zürstòf, kalsio òf uranium. Algun nòmber ta siglonan bieu (manera heru òf oro), miéntras ku otro elementonan ta wòrdu yamá na nòmber di sientífikonan famoso (manera curium, na nòmber di Marie Curie), lokalidatnan geográfiko (manera californium òf polonium), òf na nòmber di un propiedat spesífiko (manera kloro, ku ta nifiká "gas bèrdè").

Ademas di un nòmber, kada elemento tin un símbolo, ku por lo general ta un abreviashon di e nòmber latin òf griego. E símbolo aki ta konsistí di un lèter mayó, posiblemente sigui pa un lèter chikitu:

Elemento	Símbolo	Orígen
Zürstòf	O	for di latin oxygenium
Hidrógeno	H	for di latin hydrogenium
Helium	He	for di griego ἥλιος (helios, solo)

Ounke e palabra atom ta bini di e palabra Griego a-tomos ("no-dividibel"), awor ta konosí ku atom mes ta konsistí di tres tipo di partikulo supatómiko: neutron, proton i elektron. E neutron i protonnan ta situá den e núkleo atómiko. E elektrónnan ta move rònt di e núkleo aki den un region yamá e nubia di elektrón.

Un atom tin masa, ku ta kasi kompletamente konsentrá den e núkleo. Atomonan ta elektrikamente neutral: e kantidat di protonnan positif kargá ta igual na e kantidat di elektrónnan negatif kargá. E balor apsoluto di e karga di un proton i un elektrón ta igual, esta ${1.6}\times 10^{-}{19}\ C$ (coulomb).

Neutronnan ta neutral kargá ku un masa di mas o ménos ${1.675}\times 10^{-27}\ kg$. Protonnan ta positif kargá (+1), un poko mas lihé ku neutronnan, ku un masa di mas o ménos ${1.673}\times 10^{-27}\ kg$. Elektronnan ta negatif kargá (−1), ku un masa di mas o ménos 2000 be mas chikitu ku esun di proton òf neutron. Pues, e masa di elektrónnan ta wòrdu neglishá.

Propiedat di partikulo supatómiko

partikulonan elemental	símbolo	lugá den atom	karga eléktriko		masa
			apsoluto	relativo	apsoluto	relativo
proton	p+	núkleo	$+{1.6}\times 10^{-19}\ C$	+1	${1.673}\times 10^{-27}\ kg$	1
neutron	n0	núkleo	${0}\ C$	0	${1.675}\times 10^{-27}\ kg$	1
elektron	e-	nubia	$-{1.6}\times 10^{-19}\ C$	-1	${9.109}\times 10^{-31}\ kg$	0

Fuente, nota i/òf referensia