Bari
| Bari | ||
| ||
| Kelk imaji pri Bari. | ||
|
| |
| Standardo | Blazono | |
| Lando: |  Italia
| |
| Regiono: | Apulia | |
| Provinco: | Bari | |
Informo:
| ||
| Latitudo: | 41°08' N | |
| Longitudo: | 16°52' E | |
| Altitudo: | 7[1] m | |
| Surfaco: | 116 km² | |
| Habitanti: | 316 212 (2023) | |
| Denseso di habitantaro: | 2721,28 hab./km² | |
| Disto de Roma: | 501,7[2] km | |
| Horala zono: | UTC+1 (UTC+2 dum somero) | |
| Urbestro: | Antonio Decaro (PD) | |
Mapo:
| ||
| ||
Oficala retosituo:
| ||
| http://www.comune.bari.it | ||
Bari esas la chef-urbo dil Italiana regiono Apulia e di la provinco Bari, ed importanta portuo an la Adriatiko. Segun statistiki de 2023, ol havis 316 212 habitanti. Lua tota surfaco esas 116 km².
Ol divenis parto del Romana republiko dum la 3ma yarcento aK, e strategiala komercala punto apud la choseo Traiana. Lua portuo mencionesis unesme en 181 aK.
Lua unesma episkopo esis Santa Gervasius, en 347. L'episkopi dependis de la patriarko di Konstantinoplo til la 10ma yarcento.
Dum la yari 2000a, l'urbo divenis importanta destino internaciona por turismo, pro sua stradi Mezepokala, sua edifici en stilo Romaniko e la reliquii di sua patronino, multe veneracata da ortodoxa kristani, ma anke pro sua quartero Murat, kun edifici de la 19ma yarcento.
Geografio
[redaktar | redaktar fonto].jpg?lang=io)
Bari situesas an la centro di vasta areo plana. Tamen, lua reliefo havas kelka kolini, e sua altitudo varias de 0 til 131 metri. Lua mezavalora altitudo esas 7 metri super la marala nivelo[1].
La klimato di Bari esas mediteranea (Csa segun la klimatala klasifikuro da Köppen) kun milda vintri e varma someri. La proximeso kun la maro limitizas la vario di temperaturi; fakte kelkafoye ol afektesas da marala brizo. Tamen, dum vintri, kolda venti suflas de nord-este (Balkani) e del alta monti di Abruzzo, e povas nivar. Dum la pasinta 40 yari enrejistresis nivo en 1987, 1993, 1999, 2003, 2007, 2014, 2017 e 2018. La mezavalora temperaturo en januaro (vintro) esas 8,8°C, kontre ke la mezavalora temperaturo en julio ed agosto (somero) esas 24,3°C.
La mezavalora yarala pluvo-quanto dil urbo esas 562,6 mm, e la maxim pluvoza monato esas novembro, kun mezavalore 72,7 mm. De la fino di marto til agosto la pluvo-quanto diminutas, e de mayo til agosto pluvas min kam 35 mm omnamonate (junio e julio pluvas min kam 26 mm).
Referi
[redaktar | redaktar fonto]
- ↑ 1,0 1,1 Elevation of Bari, Italy - URL vidita ye 7ma di mayo 2025. Idiomo: Angla.
- ↑ https://www.rome2rio.com/s/Rome/Bari