Cuba

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Repúblika di Cuba
Republica de Cuba (Spaño)
Himno: La Bayamesa "E Kantika di Bayamo" Lema: Patria o Muerte, Venceremos "Patria òf Morto, Nos Lo Gana"
Atministrashon
Kapital	Havana
Idioma ofisial	Spaño
Stat mas grandi	Havana
Gobernashon	Estado di un Partido Estado Socialista Estado Kommunista
Presidente	Raúl Castro
Pais soberano
Revolushon kubano	1 di yanüari 1959
Geografia
Área	109,884 km²
Koordinatonan	22°0′N 79°30′W
Poblashon
Populashon  (2023)	10,985,974 99.98 habitante/km²
Otro infromashon
Moneda	Peso kubano (CUC)
Zona di tempu	UTC-4
Wèp	.cu
Kódigo	CUB
Tel	+53
Mapa detaya di Cuba
Imágennan riba Wikimedia Commons
Wèpsait ofisial
[Editá Wikidata] · [Manual]

Cuba, ofisialmente Repúblika di Cuba (spaño: República de Cuba) ta un pais den Laman Karibe, konstitui pa e isla Cuba, Isla de la Juventud i varios archipiélago chiki. E kapital i suidat mas grandi di Cuba ta Havana. Santiago de Cuba ta e di dos suidat mas grandi na Cuba.

Cuba tin un poblashon di 11 mion hende, e nashon mas poblá den Karibe i tambe e isla mas grandi den laman Karibe. Su kultura i kustumbernan ta wòrdu forma dor di varios meskla di otro kultura inkluyendo e indjannan Taino i Chiboney; e periodo di kolonialismo spaño, e introdukshon di katibu afrikano i su proksimidat na Merka.

Nomber

Segun historiadó e nòmber Cuba ta bini for di e lenga Taino sinembargo su derivashon eksakto ta deskonosí. E nifikashon eksakto di e nomber no ta kla pero e por wòrdu tradusi di dos manera, sea "kaminda tin tera fertil na abundansia" (cubao) of "luga grandioso" (coabana). Tin ku ta bisa ku Cuba tin e mesun raiz árabe Ka'bah ku kemen tempel. I otro ta kere ku e a wòrdu nombra na e siudat antiguo di Cuba.

Historia

Era pre-kolombiano

Tekening di un muhe Arawak; e Arawaknan, inkluyendo e Ciboneys i Taïnos, tabata e habitantenan original di Cuba.

Prome ku e yegada di e spañónan e area tabata habitá dor di indjan nativo, konosí komo e Taïno i Chiboney ku nan ansestronan a migra for di Nort-, Sentro- i Sur-Amerika. E Taïnonan tabata kultivador i e Chiboney tabata kultivá i yag.

Kolonisashon spaño

Diego Velázquez de Cuéllar, concistado of Cuba

Dia 12 di òktober 1492 Cristóbal Colón a yega kaminda awor yama Barancoa i a eksigí e derecho di e teritoria den nòmber di Spaña i a nombra e isla: Isla Juan. Na aña 1511 e promé siudat spaño a wordu fundá pa Diego Valdes di Cuellar na Barracoa, otro siudat a sigui despues inkluyendo Havana, e futuro kapital ku a wòrdu fundá na 1515. E spañonan a esklabisá aproksimadamente 100,000 habitante indígeno ku a resistí konvershon na Kristianismo poniendo nan primeramente pa bai busca oro, i den un siglo di tempu malesanan oropeo a kaba ku e habitantenan original.

Cuba a keda un poseshon spaño pa casi 400 aña (1511-1898), ku un ekonomia basá riba agrikultura di plantashon, meinmiento, i e exportashon di suku, koffie, y tabaku pa Oropa i mas despues Nort Amerika. E trabou tabata hasí dor di esklavonan afrikano ku a trese na e isla ora Inglatera tabata manda na 1762. E grupo elitario ku tabata manda riba e plantashinan tabatin e poder sosial i ekonómiko, apoyá dor di e spañonan ku a nase na Cuba (Criollos), otro oropeo, i esklabonan ku ta desende di Afrika. E poblashon na 1817 tabata 630,980 hende, di kual 291,021 tabata koló klá; 115,691 tabata koló skur liber; i 224,268 tabata katibu.

Gueranan di independensia

Den e añanan 1820, ora e restu di Spaña su Emperio na Latinoamérika a rebeldiá i forma estado independiente, Cuba a keda loyal, maske tabatin un tiki agitashon pa independensia, lokual ku e monarkia spaño a duna e isla e motto "La Siempre Fidelísima Isla" ("E Isla Semper Fiel"). Esaki tabata pasobra Cuba su habitantenan spaño tabata depende na Spaña pa handel, protekshon di Pirata i proteshon kontra un rebelion di esklabo, i pasobra nan tabatin mas miedu di e kresementu di poder di Merka ku nan tabata desgusta mandamentu Spaño.

Dies aña di Guera

Independensia di Spaña tabata e motivo di e rebelion di 1868 ku Carlos Manuel de Céspedes como lider, resultando ku un konflikto basta largu ku a keda nombrá Guera di dies aña. Merka a rechasá pa rekonosé e gobernashon kubano nobo, ounke hopi pais oropeo si a hasi'é. Na 1878, e pakto di Zanjón a kaba ku e konflikto ku Spaña ku a kiere di duna mas outonomia na Cuba. Na 1879–1880, Patriotico kubano Calixto Garcia a hasi intento pa kuminsa un otro guera, konosí komo e guera chikitu, pero no a logra haña sufisiente sosten.

Periodo entre e gueranan

Esclabitut a wòrdu abolí na 1886, aunke e minoria ku ta desende di Afrika a ceda oppresa sosialmente i ekonomicamente. durante e periodo aki, pobresa pafo di stad provoka pa e revolushon Spaño di 1868 anto su devastashon a kousa hopi emigrashon na Cuba.

Durante e añanan 1890' agitashon pro-independensia a ceda reviva na parti pa rabiamentu di e nobo restikcionan pone na Handel Cubano dor di Spaña anto hostilidat dor di Spaña su administracion oppresiva i incompetente di Cuba. Un par di Spaña su promisianan di e pakto di Zanjón a ceda cumpli.

Guera di 1895

Na 1892, un disidente exilá, José Martí, a fundá e Partido Revolutionario di Cuba na New York, ku e meta pa haña independensia kubano. Na yanüari 1895, Martí a biaha bai Montecristi, Santo Domingo pa traha huntu ku Máximo Gómez. Martí a skibi su miranan politiko na e manifesto di Montecristi. Bringamentu kontra e ehersito spaño a kuminsa na Cuba riba 24 di febrüari 1895, pero Martí no tabata por a yega Cuba te ku 11 di April 1895.[23] Martí a wordu matá na 19 di Mei 1895, na e batalla di Dos Rios.[23] Su morto a immortalis'e anto e la bira un di Cuba su heroenan nacional.

E ront di 200,000 spañonan tabata hopi mas ku e grupo chikitu di rebeldenan ku a usa hopi taktika di gueria i sabotage. E Spañonan a cuminsa un campaña di supreshon. General Valeriano Weyler, gobernador militar di Cuba, a cue e luganan di kunuku anto huse como lo ke e tabata yama reconcentrados, diskribi dor di observadonan internashonal komo "siudatnan fortifika". Esakinan ta konsidera hopi biaha como e prototipo pa e kampamentunan di konsentrahson di siglo 20. Entre 200,000 i 400,000 siudadanonan kubano a muri di hamber i di varios malesa di e campamentunan, numbernan verifika pa Krus Kora i e senator merikano Redfield Proctor. Tropanan merikano i oropeo a protesta kontra e conducto Spaño riba e isla.

Guera Merikano

E barco di bataya Main a yega na Havana riba 25 di yanüari 1898 pa ofrese proktekshon na e 8,000 residente merikano riba e isla, pero e spañonan a mira esaki komo un intimidashon. Riba e anochi di 15 di febrüari 1898, e Main a explota den e haf, matando e 252 hendenan abordo; un otro 8 hende a muri di nan heridanan sobre di siguiente anochinan.