Cunclavi

Lu cunclavi è l'assimbrea dî cardinali dâ Chiesa Cattòlica cunvucati pi elìggiri nu novu papa, succissuri di San Petru. Lu tèrmini diriva dû latinu cum clave ("câ chiavi"), ca si rifirisci â tradizzioni di chiudiri li cardinali nta nu postu chiusu pi evitari prissioni di fora e assicurari lu sicretu dû prucessu eletturali.

Fasi

Lu cunclavi si teni ntâ Cappella Sistina, ô Vaticanu, e pò accuminzari nun prima di 15 jorna e nun cchiù tardu di 20 jorna doppu la morti o li dimissioni dû papa. Partecipanu sulu li cardinali elittura, vali a diri chiḍḍi ca hannu cchiù picca di 80 anni ô mumentu dâ morti dû papa.

Li règuli dû cunclavi sunnu cuntinuti ntâ custituzzioni apustòlica Universi Dominici Gregis, prumulgata dû papa Giuvanni Paulu II ntô 1996 e succissivamenti aggiurnata. Lu prucessu cumporta na seri di voti ogni journu, chiamati scrutini, ca si tèninu ‘n sicretu. Pi elìggiri validamenti lu papa è nicissària na maggiuranza qualificata di dui terzi dî voti.

Si ponnu tèniri nzinu a quattru voti ogni jornu: dui â matina e dui â minzasira. Si nun ci sunnu cannidati ca otteninu lu nùmmaru di voti addumannatu, li scrutini vennu abbruciati nzèmmula a na sustanza ca pruduci fumu nivuru. Quannu veni elettu lu novu pontèfici, li bullettini vènunu abbruciati cu sustanzi ca prudùcinu fumu jancu, signali aspittatu dî fideli ntâ chiazza San Petru

Na vota eliggiutu, lu papa havi a accittari furmalmenti l'elizzioni e scègghiri nu nomu papali. Poi veni annunciata ô pòpulu câ fòrmula *Habemus Papam*, siguita dâ binidizzioni apustòlica *Urbi et Orbi*.

Lu cunclavi è unu dî mumenti cchiù sulenni e mistiriusi dâ vita dâ Chiesa Cattòlica, n'avvinimentu ca unisci sèculi di tradizzioni cu prufunni mpricazzioni spirituali e stòrichi.

Papi siciliani

Papi siciliani o ritenuti geograficamente tali:

Papa Agatuni, (Palermu?, 577? - Roma, 10 di jinnaru 681), elettu papa 'ntô 678. Â sô morti a 104 anni, dopu 3 anni di puntificatu, ci succidìu Liuni II.

Papa Liuni II, (Missina? - Roma, 3 di giugnettu 683), elettu papa 'ntô 682. Â sô morti, dopu appena 10 misi di puntificatu, ci succidìu Binidittu II.

Papa Cununi, (630 - Roma, 21 di sittèmmiru 687), elettu papa 'ntô 686. Â sô morti, dopu 11 misi di puntificatu, ci succidìu Sergiu I.

Papa Sergiu I, (Palermu, ? - Roma, 8 di sittèmmiru 701), elettu papa 'ntô 687. Â sô morti, dopu 14 anni di puntificatu, ci succidìu Giuvanni VI.

Papa Stefanu III, (Sarausa, 720 - Roma, 24 di jinnaru 772), elettu papa 'ntô 768. Â sô morti, dopu 3 anni e 6 misi di puntificatu, ci succidìu Adrianu I.

Ùrtimi Papi e Cunclavi dô 1900 'n poi

Papa Liuni XIII, (Carpinetu Rumanu, 2 di marzu 1810 - Roma, 20 di giugnettu 1903), fù elettu papa û 20 di frivaru 1878. Â sô morti a 93 anni avvenni dopu 25 anni e 5 misi di puntificatu.

Papa Piu X, (Riese, 2 di giugnu 1835 - Roma, 20 di austu 1914), fù elettu papa û 4 di austu 1903. Â sô morti a 79 anni avvenni dopu 11 anni di puntificatu.

Papa Binidittu XV, (Genova, 21 di nuvèmmiru 1854 – Roma, 22 di jinnaru 1922), fù elettu papa û 3 di sittèmmiru 1914. Â sô morti a 67 anni avvenni dopu 7 anni e 4 misi di puntificatu.

Papa Piu XI, (Desio, 31 di maiu 1857 – Cità dû Vaticanu, 10 di frivaru 1939), fù elettu papa û 6 di frivaru 1922. Â sô morti a 81 anni avvenni dopu 17 anni di puntificatu.

Papa Piu XII, (Roma, 2 di marzu 1876 – Castel Gandolfu, 9 di uttùviru 1958), fù elettu papa û 2 di marzu 1939. Â sô morti a 82 anni avvenni dopu 19 anni e 7 misi di puntificatu.

Papa Giuvanni XXIII, (Sotto il Monte, 25 di nuvèmmiru 1881 – Cità dû Vaticanu, 3 di giugnu 1963), fù elettu papa û 28 di uttùviru 1958. Â sô morti a 81 anni avvenni dopu 4 anni e 7 misi circa di puntificatu.

Papa Paulu VI, (Concesio, 26 di sittèmmiru 1897 – Castel Gandolfu, 6 di austu 1978), fù elettu papa û 21 di giugnu 1963. Â sô morti a 80 anni avvenni dopu 15 anni e un misi di puntificatu.

Papa Giuvanni Paulu I, (Canale d'Agordo, Pruvincia di Bellunu, 17 di uttùviru dû 1912 – Cità dû Vaticanu, 28 di sittèmmiru dû 1978), fù elettu papa û 26 di austu 1978. Â sô morti a 65 anni avvenni dopu 33 jorni di puntificatu.

Papa Giuvanni Paulu II, (Wadowice, Pulonia, 18 di maiu dû 1920 – Cità du Vaticanu, 2 di aprili dû 2005), fù elettu papa û 16 di uttùviru 1978. Â sô morti a 84 anni avvenni dopu 26 anni e 5 misi circa di puntificatu.

Papa Binidittu XVI, (Marktl, Baviera, 16 di aprili dû 1927 - Cità du Vaticanu, 31 di dicèmmiru dû 2022), fù elettu papa û 19 di aprili 2005. Dopu 7 anni e 10 misi circa di puntificatu û 28 di frivaru 2013 fù dimissionariu. Â so morti avvenni a 95 anni 'ccô titulu di Papa emeritu.

Papa Franciscu, (Buenos Aires 17 di dicèmmiru 1936 – Roma 21 di aprili 2025), fù elettu papa û 13 di marzu 2013. Â sô morti a 88 anni avvenni dopu 12 anni e un misi di puntificatu.

Papa Liuni XIV, (Chicago, 14 di sittèmmiru 1955). L'8 di maiu 2025, uri 18:09, elezzioni e nomina dû novu Papa, 267° succissuri ô sogghiu di Petru.

Autri pruggetti

Nta Commons s'attròvanu àutri mmàggini rilativi a Cunclavi.