Emoji
’n Emoji (/ɪˈmoʊdʒi/ im-OH-jee; meervoud: emoji of emojis; Japannees: 絵文字, uitgespreek [emoꜜʑi]) is ’n piktogram, logogram, ideogram, of smiley wat in teks ingebed is en gebruik word in elektroniese boodskappe en op webblaaie.[1] Die hoofdoel van moderne emoji is om emosionele leidrade aan te vul wat dikwels ontbreek in getikte gesprekke, en ook om soms woorde te vervang as deel van ’n logografiese sisteem.[2]
Emoji bestaan in verskeie genres, insluitend gesigsuitdrukkings, aktiwiteite, kos en drank, vieringe, vlae, voorwerpe, simboliek, plekke, weerstoestande, diere, en natuur.[3]
Die woord emoji beteken oorspronklik prentkarakter en is afkomstig van Japanees:
- e (絵) beteken "prent"
- moji (文字) beteken "karakter"
Die ooreenkoms met die Engelse woorde emotion en emoticon is suiwer toevallig.[4]
Die eerste emoji-stelle is ontwikkel deur Japannese vervaardigers van draagbare elektroniese toestelle in die laat 1980’s en 1990’s. Emoji het wêreldwyd al hoe gewilder geword in die 2010’s, nadat Unicode begin het om emoji’s in die Unicode-standaard op te neem. Vandag vorm hulle ’n groot deel van populêre kultuur in die Weste en regoor die wêreld.
Bronnelys
[wysig | wysig bron]- Pardes, Arielle (1 Februarie 2018). "The WIRED Guide to Emoji". Wired. ISSN 1059-1028.
Verwysings
[wysig | wysig bron]- ↑ "emoji – English meaning". Cambridge Dictionary. Besoek op 30 Maart 2017.
- ↑ Evans, Vyvyan (12 Augustus 2017). "Emojis actually make our language better". New York Post. Geargiveer vanaf die oorspronklike op 6 Maart 2023.
- ↑ Hern, Alex (6 Februarie 2015). "Don't know the difference between emoji and emoticons? Let me explain". The Guardian. Geargiveer vanaf die oorspronklike op 8 Junie 2023.
- ↑ Taggart, Caroline (5 November 2015). New Words for Old: Recycling Our Language for the Modern World. Michael O'Mara Books. ISBN 9781782434733. Besoek op 25 Oktober 2017 – via Google Books.
