Estitxu Arozena

Estitxu Arozena
	;
Bizitza
Jaiotza	Mutriku, 1975eko urtarrilaren 7a (50 urte)
Herrialdea	Gipuzkoa, Euskal Herria
Familia
Aita	Manolo Arozena
Hezkuntza
Hizkuntzak	euskara; gaztelania
Jarduerak
Jarduerak	bertsolaria

Estitxu Arozena^[1] Albizu^[2] (Mutriku, 1975eko urtarrilaren 7a) bertsolari nafarra da.

Lanak

Hiru hilabeterekin Lesakara ekarri zuten aitaren (Manolo Arozena bertsolari Goizuetarra) lan aferak tarteko eta hantxe bizi da egun. Lesakako bertso eskolatik irtendako lehen belaunaldiko kidea; hamasei urterekin plazetarako urratsa eman zuen. Komunikatzaile paregabea zela txikitatik esaten zioten Arozenari, eta bertsolaritzan aurkitu zuen pentsatzen eta sentitzen zuen hori helarazteko modua. Bailarako lehenbiziko bertso eskola sortu zenean eman zuen izena bertan.^[3]

Bertsolaritzan emakumezkoen presentzia oso txikia zen garaian hasi zen plazan, eta zalantzarik gabe, gerora heldu diren hainbat emakumeren bidea urratu zuenetako bat da. Aitortu izan du Txapelketan aritzea ez zuela gustuko, baina Nafarroako txapelduna izatea mugarria izan zen historian eta urte haietako bidearen eta transmisioaren erakusle izan zen 2021ean Saioa Alkaizari txapela jantzi izana ^[3]

Neska izateak hausnarketarako bidea ireki eta sexuen arteko desberdintasunen eta harremanen gainean sakontzera eraman du, baita akademikoki ere. Psikologia eta Sexologia ikasketak burutu zituen. Egun, Bortzirietako bertso-eskolaren irakaslea da.

Euskal Herriko Txapelketetan kantatua da 1993tik 2005era, eta Nafarroako Bertsolari Txapelketa birritan irabazitakoa, 1995 eta 1998an

Ondoko bertsoa, 1995ean Leitzan kantatutakoa da, Nafarroako Bertsolari Txapelketa irabaztean:

«

Emakumeak bertsolaritzan
ez dira hartu izan aintzat;
errandakoa pasatu zaigu
orain gutti arte behintzat.
Nik txapel beltza onartuko dut
hemengo oroigarritzat,
baina hala ere ez da niretzat,
ta errango dut zeinentzat:
gizartearen inposaketak
bota dituen neskentzat.

»

2021eko Nafarroako Bertsolari Txapelketan txapela jarri zion Saioa Alkaizari.

Txapelketak

Nafarroako Bertsolari Txapelketa
- Txapelduna (2): 1995 eta 1998
- Txapeldunordea (5): 1996, 2001, 2004, 2005 eta 2006
- Hirugarrena (3): 2003, 2010 eta 2011
- Bostgarrena (1): 1997
Bertsolari Txapelketa Nagusia
- Parte hartze (4): 1993, 1997, 2001 eta 2005

Sariak

Xalto Saria (2): 1993, 1994.

Erreferentziak

↑ Abizena Arozena idaztea, euskal herritar horren aukera pertsonala da. Izan ere, Euskaltzaindiak, euskara baturako, Arotzena onartu du deitura horren grafiatzat. Ikus Euskal Onomastikaren Datutegia
↑ Abizena Albizu idaztea, euskal herritar horren aukera pertsonala da. Izan ere, Euskaltzaindiak, euskara baturako, Albitzu onartu du deitura horren grafiatzat. Ikus Euskal Onomastikaren Datutegia.
↑ ^a ^b ^c «Esker onez | Estitxu Arozena» hamaika telebista 2024-09-17 (kontsulta data: 2025-02-05).

Kanpo estekak

Datuak: Q12257309

[1] Abizena Arozena idaztea, euskal herritar horren aukera pertsonala da. Izan ere, Euskaltzaindiak, euskara baturako, Arotzena onartu du deitura horren grafiatzat. Ikus Euskal Onomastikaren Datutegia

[2] Abizena Albizu idaztea, euskal herritar horren aukera pertsonala da. Izan ere, Euskaltzaindiak, euskara baturako, Albitzu onartu du deitura horren grafiatzat. Ikus Euskal Onomastikaren Datutegia.

[:0-3] «Esker onez | Estitxu Arozena» hamaika telebista 2024-09-17 (kontsulta data: 2025-02-05).

[1]

[2]

[3]