Gaza-ströndin
Gaza-ströndin er mjótt landsvæði í Mið-Austurlöndum við botn Miðjarðarhafsins og er ekki viðurkennt sem hluti neins sjálfstæðs ríkis de jure. Það dregur nafn sitt af Gaza-borg sem er stærsta borgin á svæðinu. Langflestir íbúanna eru Palestínumenn og svæðið er að nafninu til undir stjórn heimastjórnar Palestínumanna, en svæðin kringum landnemabyggðir Ísraelsmanna, helstu vegir og landamæri eru undir stjórn Ísraelshers.
Gaza-ströndin er 360 km2 og þar búa yfir 2,3 milljónir manna (2023).
Gaza-ströndin er eitt þeirra svæða sem Ísraelar hertóku í Sex daga stríðinu 1967. Samkvæmt Oslóarsamkomulaginu frá 1993 heyrir Gaza-ströndin undir heimastjórn Palestínumanna og er ásamt Vesturbakkanum hluti heimastjórnarsvæða Palestínumanna.
15. ágúst 2005 hóf ríkisstjórn Ariels Sharon niðurrif landnemabyggða og brottflutning gyðinga og herstöðva Ísraelshers frá Gaza-ströndinni. Ísrael mun þó halda stjórn yfir hafsvæðinu undan ströndinni og mjórri landræmu með fram landamærunum við Egyptaland.
Gaza-strönd hefur átt í miklum hernaðarátökum við Ísrael m.a. árin 2014 og frá 2023 þar sem tugþúsundir hafa látist.
Ísrael kynnti áform um að hernema Gaza-strönd vorið 2025.[1]
Tengt efni
[breyta | breyta frumkóða]Tilvísanir
[breyta | breyta frumkóða]- ↑ Íbúar á Gasa verði fluttir á brott í þágu eigin öryggis Vísir, sótt 5. maí, 2025
