Gueni
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.| Gueni | ||
|---|---|---|
| ||
Mapa di Guinea den siglo 17
| ||
| Utilisa na | ||
| Famia linguistico |
||
| [Edita Wikidata] · [Manual] | ||
Gueni òf guene, tabata un idioma afrikano ku tabata wòrdu papiá na Kòrsou.[1]
Historia
[editá | editá fuente]E nòmber "gueni" ta derivá di e teritorio Guinea, situá den West Afrika kanto di e Golfo di Guinea. Probablemente a mara nòmber di e lenganan akí na un grupo di afrikano konosí den tradishon históriko na Kòrsou i Boneiru komo gueni/guene. E afrikanonan ei a bini di área di Guinea Haltu na e parti mas pabou na Afrika. Gueni ta un marka di identidat afrikano tambe si mira ku ta usa e palabra pa indiká estilo di peña afrikano i e galiña gueni (ku ta un para original di Afrika).
Hende di Afrika pabou tabata papia idiomanan entre nan mes i a trese e idiomanan aki Kòrsou, Boneiru i Aruba, kaminda nan a meskla ku idioma papiá pa otro afrikano tambe i ku idioma europeo i indígena. Gueni a eksistí pa un temporada banda di papiamentu komo idioma popular i probablemente, pa un parti, komo lenga sekreto di e pueblo afrikano prinsipalmente na Kòrsou i Boneiru. Tin un tendensia di mira guene solamente komo un idioma sekreto. Esaki ta trese kuné e noshon ku guene no a influenshá papiamentu mashá. Esaki idea akí ta persistí a pesar ku diferente investigadó i outor lokal a duna informashon kontrali na esei. Por topa ekspreshon na guene, entre otro, den e kolekshon di historia oral Zíkinza i den e serie Sambumbu. Sambumbu.com ta un espasio públiko digital kaminda por haña mas informashon tokante guene i ehèmpel di e idioma.
Segun tradishon oral tabatin kuater dialekto òf variante di gueni, papiá na kuater diferente plantashi: Sabaneta, Kenepa, Lagun, Porto Marí[2]. Grandinan konosedó di kultura a hasi un distinshon tambe entre guene i luangu,, komo dos pueblo afrikano i tambe komo dos idioma mará na e pueblonan ei. Martili Pieters, bas di kantika, tabata unu ku a hasi e distinshon ei regularmente den su informashon tokante uzo di idioma na Kòrsou.
Tin kolekshon di kantika i otro material lingwístiko tradishonal na guene produsí, entre otro, pa Pader Paul Brenneker[3], Elis Juliana, Frank Martinus Arion, Rene Rosalia, Eric La Croes, Nicolaas van Meeteren pa Kòrsou. Na Boneiru koro Kanta Orkidia a graba un CD ku kantika tradishonal na gueni. Frank Martinus[4] a hasi estudio lingwístiko na Kòrsou ku ta duna atenshon na guene.
Fuente, nota i/òf referensia
|