Harvard-háskóli

Memorial Hall í Harvard

Harvard-háskóli (enska: Harvard University) er einkarekinn háskóli í Cambridge í Massachusetts í Bandaríkjunum. Skólinn var stofnaður árið 1636 og er elsti háskólinn þar í landi. Skólinn var nefndur Harvard College 13. mars 1639 í höfuðið á John Harvard sem arfleiddi skólann að helmingi eigna sinna og um 400 bókum en þær voru fyrsti vísirinn að bókasafni skólans.

Á árunum 1869-1909 umbreytti forseti skólans Charles William Eliot skólanum og gerði hann að nútímalegum rannsóknarháskóla. Eliot innleiddi m.a. valnámskeið, smærri málstofur og inntökupróf.

Heimild

• Fyrirmynd greinarinnar var „Harvard University“ á ensku útgáfu Wikipedia. Sótt 9. janúar 2007.

Tenglar

• Vefsíða skólans

  Þessi skólagrein er stubbur. Þú getur hjálpað til með því að bæta við greinina.