House

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

'n Housenommer. 't Typerend geluid wie in de teks besjreve is hei good te hure.

House is 'ne vörm vaan elektronische dansmeziek.

De meziek oontstoont roond 1980 in 't clubcircuit vaan Chicago. Naotot d'n disco es mainstreammeziek waor ingestort, raakde 't veural beperk tot jong zwarte homoseksuele in die stad. 'ne Club boe die dèks biejeinkaome waor 't Warehouse; de vörm vaan disco die me dao späölde woort 'house music' geneump.

Housemeziek is snel, meh neet al te snel (zoeget 120 bpm) en weurt vaan 't begin aof mèt elektronische middele gemaak. Klassieke instruminte zien d'n TR-909 ('nen drumcomputer) en d'n TB-303 ('ne bassynthesizer). Die instruminte höbbe 't geluid vaan de house veur ummer bepaold: vaan d'n TR-909 koume de rillatief weike beats mèt naosleeg op de bèkkes, vaan d'n TB-303 kump 't karakteristiek, kunsmaoteg basgeluid.

House oontwikkelde ziech loupende de jaore tachteg tot acid house. Ouch naom me in deen tied de sampling euver vaan d'n hiphop. In deze vörm staok d'n house euver nao Europa, veural nao Londe, boe 't in 1988 en 1989 'n groete raasj woort. In de jaore negenteg bleef housemeziek bleuje, meh vermingde ze ziech ouch ummer dèkser mèt techno en aander vörm vaan elektronische meziek. De vraog vaan wat me nog 'house' moot neume mós soms weure gestèld.

In de volksmoond weurt 'house' dèks gebruuk veur alle elektronische dansmeziek. Dat deit me in de wereld vaan de dansmeziek liever neet.

Dit artikel is e sjtumpke. De kans Wikipedia helpe door 't aan te völle