Josjkar-Ola

	Josjkar-Ola
	Йошкар-Ола
	by
Flagg	Våpenskjold
Land	Russland
Føderasjonssubjekt	Mari El
Høgd	100 m
Areal	100,39 km²
Folketal	274 715 (2020)
Grunnlagd	1584
• Bystatus	1781
Postnummer	424xxx
Retningsnummer	(+7)8362
	; Josjkar-Ola; 56°37′58″N 47°53′45″E / 56.632777777778°N 47.895833333333°E
	Wikimedia Commons: Yoshkar-Ola

Josjkar-Ola er hovudstaden i den mariske republikken Mari El i Russland. Byen hadde om lag 275 000 innbyggjarar i 2007. Han ligg ved elva Malaja Koksjaga, rundt 650 km aust for Moskva. Delar av byer er ZATO, stengd for ålmenn ferdsel fordi 14. strategiske missildivisjon har sitt hovudkvarter der.

Namn og historie

Det russiske og austmariske namnet Josjkar-Ola (kyrillisk skrift Йошкар-Ола) blir uttalt [jåsjkarålA], med trykk på siste stavinga. Namnet tyder «Raudbyen». Det noverande namnet er det tredje namnet på byen. Han heitte Tsarjovokoksjajsk (russisk russisk skrift Царёвококшайск) før 1919 og Krasnokoksjajsk (russisk Краснококшайск) frå 1919 til 1927. Desse namna kom frå elva som renn gjennom byen.

Under sovjettida, spesielt etter den andre verdskrigen, var byen eit regionalt industri- og transportsenter og voks til den noverande storleiken. Samanbrotet til Sovjetunionen fjerna kunstig støtte for ineffektive statlege verksemder og førte til at mesteparten av industriproduksjonen i området vart nedlagt. Den brå nedgangen i levestandard førte til at den best kvalifiserte arbeidskrafta flytta til andre byar i Russland.

Det ligg ein strategisk rakettbase nær byen.

Transport

Josjkar-Ola er knytt til andre byar og regionar i Russland via jernbane og bussruter. Josjkar-Ola lufthamn ligg 9 km nord for byen.

For transport innan byen finst eit nettverk av kollektivtrafikk, som består av bussar, trolleybussar og rutetaxiar (marsjrutki (russisk: маршрутки).

Utdanning

I Josjkar-Ola ligg fleire høgare utdanningsinstitusjonar, mellom anna Mari statlege universitet, Mari statlege tekniske universitet og Mari statlege pedagogiske institutt.

Kjelder

↑ ^1,0 ^1,1 ^1,2 ^1,3 https://www.gks.ru/storage/mediabank/Численность%20по%20МО_Site.xlsx; arkiveringsdato: 24. april 2020; arkiv-URL: http://web.archive.org/web/20200424113056/https://www.gks.ru/storage/mediabank/Численность%20по%20МО_Site.xlsx.

Denne artikkelen bygger på «Josjkar-Ola» frå Wikipedia på bokmål, den 30. november 2008.

Bakgrunnsstoff

Commons har multimedium som gjeld: Josjkar-Ola

Offisiell nettstad

[wikidata-7517f14650de7ec00b01c67c0512f39d25b05745-v4-1] 1,0 ^1,1 ^1,2 ^1,3 https://www.gks.ru/storage/mediabank/Численность%20по%20МО_Site.xlsx; arkiveringsdato: 24. april 2020; arkiv-URL: http://web.archive.org/web/20200424113056/https://www.gks.ru/storage/mediabank/Численность%20по%20МО_Site.xlsx.

[1]