KOffice
| KOffice | |
|---|---|
 | |
| Tipo | programa para escritório (pt)  e software libre  |
| Obra derivada | Calligra Suite (pt) |
| Uso | document authoring system (en) |
| Licenza | Licenza Pública Xeral de GNU, LGPL (pt) e Licenza BSD |
Versións
| |
| Características | |
| Sistema operativo | Microsoft Windows e Unix-like |
| Linguaxe de programación | C++ |
| Biblioteca de IU | Qt |
| Datas e localizacións | |
| Creación | 23 de outubro de 2000 |
| Persoas e organizacións | |
| Desenvolvedor | KDE e.V. |
| Contacto | |
| Páxina WEB | web.archive.org… |
| Repositorio | mirror.git.trinitydesktop.org… |
| [ Wikidata ] [ G:Commons ] [ C:Commons ] | |
KOffice é un paquete ofimático libre propio do contorno de escritorio KDE. Tódolos seus compoñentes son liberados baixo unha licenza libre. A versión KOffice 1.6.3 é a última versión estable dispoñible.
KOffice conta cos seguintes compoñentes:
- KWord. Un procesador de texto con follas de estilo e soporte de frames para a edición estilo DTP de composicións complexas.
- KSpread. Unha folla de cálculo con soporte de múltiples follas, patróns e máis de 100 fórmulas matemáticas.
- KPresenter. Un programa de presentacións con posibilidades de empregar imaxes e efectos.
- Kivio. Un programa para a creación de diagramas de fluxo con patróns cargables dinamicamente. Desenvolvido por theKompany, que vende patróns adicionais (non licenciados en GPL).
- Karbon14. Unha aplicación para debuxo vectorial con múltiples ferramentas de debuxo e edición.
- Krita (formalmente coñecida coma Krayon e KImageshop). É un programa para a edición de gráficos bitmap, orixinalmente deseñado como un programa de debuxo con algunhas funcións de proceso de imaxes.
- Kugar e KChart. Xeradores integrados de informes e diagramas.
- KFormula. Un editor de fórmulas matemáticas integrado.
- Kexi. Un ambiente integrado para xestionar información. Axuda a crear esquemas de bases de datos, inserindo, consultando e procesando información.
KOffice inclúe un filtro de importacións para algúns formatos de ficheiro doutros programas e é publicada de forma independente a KDE. Este conxunto de aplicacións ofimáticas pode ser descargado na páxina oficial de KOffice.
KOffice 2.0
[editar | editar a fonte]A serie actual de KOffice 1.6.x está deseñada para sistemas similares a UNIX pero a seguinte versión (2.0), liberada en maio de 2009 para desenvolvedores, testeadores e usuarios avanzados, engade compatibilidade para as plataformas Mac OS X e Windows. Esta nova versión de KOffice supón unha actualización maior que engade onde é posible compatibilidade con Flake e Pigment, e ademais un deseño de infrastrutura máis optimizado para se reutilizar e mellorar ó fin a experiencia dos usuarios á hora do seu manexo.