Kemerovo

Kemerovo
Кемерово
by
Sovjetplassen i Kemerovo.
Flagg Våpenskjold
Land	Russland
Føderasjonssubjekt	Kemerovo oblast
Høgd	140 m
Areal	282 km²
Folketal	542 928 (1. januar 2025)
Grunnlagd	9. mai 1918
•  Bystatus	1918
Postnummer	650000
Retningsnummer	+7 3842
Bilnummer	42
Kemerovo 55.333333333333°N 86.066666666667°E / 55.333333333333; 86.066666666667
Wikimedia Commons: Kemerovo

Kemerovo (russisk Ке́мерово) er ein industriby ved elva Tom, aust-nordaust for Novosibirsk. Han er det administrative senteret i Kemerovo oblast i det store kolindustriområdet i Kunznetsk-bekkenet. Byen har om lag 550 000 innbyggjarar. Kemorovo lufthamn ligg ved byen.

Byen ligg 3482 km aust for Moskva der elva Iskitim munnar ut i Tom. Han er ein viktig industriby som utvikla seg under Sovjetunionen med viktige kjemiske-, gjødsel- og produksjonsfabrikkar. Han er knytt til ei grein av den transsibrske jernbanen. Sidan oppløysinga av Sovjetunionen har industrien opplevd nedgang og ført til høg arbeidsløyse.

Kemorovo har kontinentalklima med ein middeltemperatur som varierer frå –18 °C i januar til 20 °C i juli, og relativt lite nedbør, berre 420 mm i løpet av eit normalt år.

Historie

Kemerovo er ei sasmanslåing av fleire eldre russiske busetjingar. Ein lokalstasjon kalla Verkhotomskij ostrog vart oppretta i nærleiken i 1657 på vegen frå Tomsk til Kuznetsk festning. I 1701 vart busetnaden Sjtsjeglovo grunnlagd på venstresida av Tomsk og vart raskt ein landsby. I 1859 eksisterte det sju landsbyar i området rundt dagens Kemerovo: Sjtsjeglovka (eller Ust-Iskitimskoje), Kemerovo (fekk namn i 1734), Jevsejevo, Krasnyj Jar, Kur-Iskitim (Plesjki), Davydovo (Isjanovo) og Borovaja. I 1721 vart det oppdaga kol i området. Dei første kolgruvene vart oppretta i 1907 og ein kjemisk fabrikk i 1916. I 1917 hadde Sjtsjeglovo om lag 4000 innbyggjarar.

Området vart vidare utvikla då jernbanen mellom Jurga og Koltsjugino (i dag Leninsk-Kuznetskij) vart lagt til byen, med linje mellom Topki og Sjtsjeglovo. Sjtsjeglovo fekk bystatus i 1918, som no vert rekna som grunnlegginga av Kemerovo. Kemerovo, som då framleis var ein landsby, vart ein del av Sjtsjglovsk kommune. I 1932 vart Sjtsjeglovsk kalla opp etter Kemerovo og vart senteret i Kemerovo oblast i 1943.

Kjelder

• Denne artikkelen bygger på «Kemerovo» frå Wikipedia på engelsk, den 15. november 2008.

Bakgrunnsstoff

Commons har multimedium som gjeld: Kemerovo

• Offisiell nettstad