Kuleledd

1: Kuleledd; 2: Eggledd; 3: Sadelledd; 4: Hengselledd; 5: Glideledd

Kuleledd (articulatio sphaeroidea) er synovialledd der leddflata på ein rund knokkel fyller søkket i ein annan. Den fjerne knokkelen kan dreie rundt fleirfaldige aksar frå eit felles midtpunkt, langs fleire plan og i mest alle retningar.

Ein enartrose (articulatio cotylica) er ein type kuleledd der leddpanna dekker meir enn halve leddhovudet. Hofteleddet er ein enartrose.

Døme på kuleledd finn ein i hofta, der lårbeinshovudet kviler i den koppaktige leddpanna til bekkenet, og i skulderleddet i skuldra, der humerushovudet kviler i cavitas glenoidalis på skulderbladet. Det kan nemnast at skuldra også inneheld sternoklavikularleddet, som er eit sadelledd.

Fleire bilete

• 
  Hofteleddet. Ein kan sjå at leddpanna i bekkenet (acetabulum) strekker seg forbi ekvator i lårbeinshovudet (>180 °), så dette kuleleddet blir gjerne kalla ein enartrose.
• 
  Skuldra sett frå framsida. Skulderbladet til høgre og overarmsbeinet til venstre. Mellom desse ligg ein stor leddpose, som verkar som ei pute mellom knoklane.

Kjelder

• Denne artikkelen har bygd inn tekst frå ei offentleg utgåve av Gray's Anatomy.

• Denne artikkelen bygger på «Ball and socket joint» frå Wikipedia på engelsk, den 9. april 2015.

Bakgrunnsstoff

Commons har multimedium som gjeld: Kuleledd