MATLAB

Úlgi:Programma infoqutısı Matlab - texnikalıq esaplawlar ushın joqarı ónimdarlı til bolıp, ol matematikalıq esaplawlar júrgiziw, sheshimlerdi bir qansha qolaylı túrde sáwlelendiriw hám programmalastırıw imkaniyatların óz ishine aladı. Sonday-aq

• matematikalıq esaplawlar;
• algoritmler jaratıw;
• modellestiriw;
• real kórinislerge alıp keliw yamasa maǵlıwmatlardı analizlew;
• grafikalıq interfeyslerdi óz ishine alǵan programmalar islew.

Matlab - bul maǵlıwmatlardıń tiykarǵı tili massivler bolǵan interaktiv sistema. Bul texnikalıq esaplawlarǵa baylanıslı bolǵan hár qanday máselelerdi sheshiwge imkaniyat jaratadı. Ásirese vektorlar hám matritsalar ústinde ámeller orınlaǵanda programmalastırıw tili Fortran yaki C ge salıstırǵanda bir neshshe ese tez orınlaydı.

Matlab sózi matritsalıq laborotoriya (inglis tiline: matrix laboratory) mánisin beredi. Matlab arnawlı túrde matritsalıq esaplawlar ushın zamanagóy programmalastırıw múmkinshilikleri LINPACK hám EISPACK qa jeńil kiriw imkanin jaratıw ushın jazılǵan.

Matlab jıllar dawamında hár qanday paydalanıwshılar tárepinen jetilistirilip barılǵan. Joqarı oqıw orınlarında matematikler máseleler sheshiwde, mashina qurılıslarında hám ilimiy jumıslar alıp barıw ushın standart instrument wazıypasın atqaradı. Óndiriste bul maǵlıwmatlardı qayta islew hám analizlewda joqarı ónimdarlı izertlewler ushın arnalǵan til. Matlab ta "toolboxes" dep atalıwshı programmalardıń arnawlı gruppası tiykarǵı orın tutadı. Olar kóplegen paydalanıwshılar ushın arnawlı metodlardı izertlew hám qollanıwda áhmiyetli. Yaǵnıy:

• máselelerdiń ayrıqsha klassları sheshiwge múmkinshilik beretuǵın Matlab tıń (M-fayl) funktsiyalar jıynaǵı.
• kontrollaw sisteması, neyron tarmaǵı, anıq emes logikalıq modellestiriw h.t.b boyınsha signallardı qayta islewde qollanıladı.