Manuel Bernabe

Manuel Bernabe
Manuel Bernabe
Member of the House of Representatives of the Philippine Islands from Rizal's 1st district
	Termino; Hunyo 5, 1928 – Hunyo 2, 1931
Suminunod ki	Basilio Bautista
Sinundan ni	Pedro Magsalin
Personal na mga detalye
Partido politikal	Democrata

Manuel Bernabe
The Honorable; Manuel Bernabe
	Bernabe (right) with Salvador Rueda (left) in 1915
Minundagan	Pebrero 27, 1890; Parañaque, Manila, Captaincy General of the Philippines
Kagadanan	Nobyembre 29, 1960 (edad 70); Parañaque, Rizal, Filipinas
Kasibotan	Poeta, peryodista, politiko, maestro
Pagkahimanwâ	Filipino
Alma mater	Ateneo Municipal de Manila (BA); University of Santo Tomas (Law)
Bantog na gibo	Cantos del Tropico; Perfil de Cresta
Mga bantog na gawad	Premio Zóbel (1926); El Yugo y las Flechas (1940); Order of Isabella the Catholic (1953)
Manuel Bernabe
Member of the House of Representatives of the Philippine Islands from Rizal's 1st district
	Termino; Hunyo 5, 1928 – Hunyo 2, 1931
Suminunod ki	Basilio Bautista
Sinundan ni	Pedro Magsalin
Personal na mga detalye
Partido politikal	Democrata

Si Manuel Bernabé y Hernández (Pebrero 27, 1890 – Nobyembre 29, 1960) sarong Filipinong peryodista, politiko, linggwista, asin pararawit sa Espanyol asin sa Latin na mga tataramon. Siya tina'wan bansag na "Hade nin Balagtasan" sa Espanyol.

Kaamayi nin buhay

Si Bernabe namundag kan Pebrero 17, 1890, sa Parañaque ki Timoteo Bernabe, na ngapit magigin presidente munisipal nin Parañaque, asin Emilia Hernandez. Siyam an edad pa sana niya kan nagpoon na siyang magsurat mga rawitdawit sa Espanyol. Sa edad na katorse, siya nakakataram na sa lenggwaheng Latin.

Si Bernabe nakamit niya an Bachelor of Arts degree sa Ateneo Municipal de Manila asin siya an valedictorian. Digdi sa Ateneo, saiyang pigpalis sa Espanyol an Aeneid ni Virgil na nasusurat sa Latin. Ngapit siya nagkua nin ley sa University of Santo Tomas.

Karera

Literatura

Pakagradwar sa law, si Bernabe nag'ayon sa peryodikong La Democracia asin dangan sa La Vanguardia bago nagin paraambag sa Excelsior. Siya nagtukdo nin Espanyol sa University of Santo Tomas, University of the Philippines, Far Eastern University, Philippine Law School asin Colegio de San Juan de Letran.^[1]

Si Bernabe sarong poeta liriko, asin an parating laman kan saiyang mga rawit iyo an mga piyesta asin selebrasyon dawa totoo maski arin na bagay pwede niyang pagsuraton. An kadamotan nin mga rawitdawait na siyang tinukda' tituladong Cantos del Tropico. Saro pang libro niya iyo an mga kasuratan na yaon duman an Perfil de Cresta, na kabarali man igdi an saiyang pagpalis kan ki Omar Khayyam na Rubaiyat asin an ki Claro M. Recto na portico.^[2] An iba pang mga rawit ni Bernabe: No Mas Amor Que El Tuyo, El Imposible, Canta Poeta, Castidad, Mi Adios a Ilo-ilo asin España en Filipinas.^[1]

Sa sarong balagtasan kun saen siya asin si Jesus Balmori nagralaban manongod sa ulayon na El Recuerdo y el Olvido, mayong gana an pigdeklara ta pareho sinda mahusay nanggad alagad sa kusog kan mga upak pakatapos kan balagtasan, narisang gayo na mas mahibog asin makusog an upak para ki Bernabe hale sa mga paradangog.^[3]

Politika

Bilang politiko, si Bernabe naelehir komo representante sa primer distrito nin Rizal kan 1928 asin nagsirbe nin sarong termino hanggan 1931. Diya nagretiro sa politik asin nagbalik sa La Vanguardia. Siya nanombrahan na technical assistant para sa Filipino–Espanyol na Relasyon sa Malacañang, nagsirbe poon 1943 sundo 1947.

Dangan siya ngapit nanombrahan pamayo kan National Library of the Philippines kan mga 1950, kun saen niya ipigpalis sa Tagalog an mga sinurat ni Marcelo H. del Pilar.^[1]

Mga Premyo

Kaamayi pa kan 1913, si Bernabe nangggana na nin tolong premyo sa tolong iba-ibang organisasyon sa saiyang mga tokda': Himno al Sagrado Corazon de Jesus, El Zapote, asin España en Filipinas.

Kan 1926, siya asin si Balmori nagawadan kan Premyo Zóbel para sa saindang trasbaho na Hombre y mujer. HJ7li sa saiyang mga paghigowa na mausar an lenggwaheng Espanyol komo medyum nin pagsurat,siya dinuhulan kan premyo na El Yugo y las Flechas kan 1940 asin kan Order of Isabella the Catholic kan 1953. Siya pinag'onra sa University of Santo Tomas bilang iyo an pinakamahusay na pararawit sa Espanyol kan 1950.^[1]

Mga Obrang maunabihan

Cantos del Tropico
Perfil de Cresta

Kagadanan asin Legasiya

Si nBernabe nagadan kan Nobyembre 29, 1960.

An Manuel Bernabé Research Writing Contest, na eksistido sagkod katahawan kan 1990, ipigpangaran saiya..^[4]

Toltolan

↑ ^1.0 ^1.1 ^1.2 ^1.3 Almario, Virgilio (2015). "Bernabe, Manuel Hernandez". National Commission for Culture and the Arts (in Tagalog). Manila. Retrieved November 16, 2023.
↑ "Bernabé, Manuel, 1890-1960". Miguel de Cervantes Virtual Library. Retrieved November 17, 2023.
↑ Balmori, Jesus; Bernabe, Manuel (1927). Balagtasan (justa poética) / Jesús Balmori y Manuel Bernabé (in Spanish). Alicante: Miguel de Cervantes Virtual Library.
↑ Dela Peña, Wystan (November 27, 2015). "A Knowledge Management Framework for the Department of European Languages (DEL)". CAL Research Agenda (University of the Philippines Diliman) 13 (1): 80–155. https://journals.upd.edu.ph/index.php/phr/article/download/4740/4276/.

[ncca-1] 1.0 ^1.1 ^1.2 ^1.3 Almario, Virgilio (2015). "Bernabe, Manuel Hernandez". National Commission for Culture and the Arts (in Tagalog). Manila. Retrieved November 16, 2023.

[2] "Bernabé, Manuel, 1890-1960". Miguel de Cervantes Virtual Library. Retrieved November 17, 2023.

[3] Balmori, Jesus; Bernabe, Manuel (1927). Balagtasan (justa poética) / Jesús Balmori y Manuel Bernabé (in Spanish). Alicante: Miguel de Cervantes Virtual Library.

[4] Dela Peña, Wystan (November 27, 2015). "A Knowledge Management Framework for the Department of European Languages (DEL)". CAL Research Agenda (University of the Philippines Diliman) 13 (1): 80–155. https://journals.upd.edu.ph/index.php/phr/article/download/4740/4276/.

[1]

[2]

[3]

[4]