Morlenn

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Morlenn Vilafranca, e-kichen Nisa, unan eus takadoù eoriañ donañ kornôg ar Mor Kreizdouar.

Ur vorlenn a zo ul ledennad vor damgloz, met digor war ar mor bras. Pa'z eo ar morlennoù ur goudor evit al listri e vezont lec'hioù mat evit staliañ ur porzh-mor pe veur a hini. Ur roll politikel hag armerzhel bras o devez. E morlennoù bras hag hogos serret e veze lakaet al listri-brezel da eoriañ evit o gwareziñ diouzh tagadennoù ar morluioù estren.
Pa vez strizh ha hir ar ganol-vor a sko war ar mor bras e vez graet ur mulgul anezhi.

Stêrioù heñvel haz disheñvel

Ober a reer ivez gant ar gerioù lenn-vor, mor-bihan ha kambr-vor.

Ar vorlenn ne c'hall ket bezañ droukvesket gant an aber hag a zo bihanoc'h, na gant ar bae hag a vez digoroc'h. Ar pleg-mor zo kalz brasoc'h.

E Breizh

E Breizh, morlenn Vrest ha morlenn an Oriant a zo porzhioù-brezel kozh (abaoe an Henamzer evit Brest hag abaoe 350 vloaz evit an Oriant).

Digor awalac'h war ar mor bras e vez ar morlennoù peurliesañ, met ret eo tremen dre ur mulgul evit mont etre morlenn Vrest hag ar Meurvor Atlantel.

Bro-C'hall

Kalz morlennoù a zo pe zo bet implijet gant Bro-C'hall evit gwareziñ he morlu pe listri-kenwerzh, a-wechoù artifisiel. Ouzhpenn re Vreizh e c'haller menegiñ morlenn Boulogne-sur-Mer, morlenn Cherbourg, morlenn Marsilha, morlenn Agay (e Saint-Raphaël), morlenn Toulon, morlenn Ieras, morlenn Bourdel, morlenn Vilafranca, morlenn Sant-Pêr (Sant-Pêr-ha-Mikelon), morlenn Saint-Pierre (Martinik), morlenn Nouméa (Kaledonia-Nevez), morlenn Chiconi (Mayotte), morlenn Benzart (Tunizia), morlenn Mers el-Kebir (Aljeria).