Pantone

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Pantone
Funda	1962
Pais	Estadonan Uni di Merka
Wèpsait ofisial
Imágennan riba Wikimedia Commons
[Editá Wikidata] · [Manual]

Pantone LLC ta un kompania merikano mihó konosí pa e Pantone Matching System (PMS), un sistema di koló propietario ku ta wòrdu usá den vários industria, inkluyendo diseño gráfiko, diseño di moda, diseño di produkto, imprenta i fabrikashon. E sistema ta sostené maneho di koló for di diseño te ku produkshon den ámbos formatnan físiko i digital, kubriendo materialnan coated i uncoated i tambe katuna, poliester, nylon i plèstik.

Historia

Pantone a originá den añanan 1950 na New Jersey komo M & J Levine Advertising, un kompania di imprenta komersial fundá pa rumannan Mervin i Jesse Levine. Na 1956, e Levines a kontratá Lawrence Herbert, un graduado resien di Universidat di Hofstra, komo un empleado part-time. Ku su konosementu di kímika, Herbert a efisiensia e prosesonan pa ku produkshon di pigmento i ink. Pa 1962, Herbert a hasi e parti di ink i imprenta di e kompania lukrativo, pero e departamentu di pantaya komersial (commercial-display) tabata US$50,000 den debe. El a kumpra e teknologia di e kompania for di e rumannan Levine pa e mesun suma (mas o ménos $520,000 na 2024) i a kambia e nòmber di e kompania pa Pantone.

Pantone su produktonan prinsipal ta inkluí e Pantone Guides. Por ehèmpel, un página por mustra un multitut di tono hel ku diferente tint. E idea tras di e PMS ta pa permití diseñadornan pa por skohe e koló spesífiko, korespondiente ku un diseño, sin importá e ekipo ku ta wòrdu usá pa produsí e koló dutante e fase di produkshon.

Standarisashon

Un ehemplar di guia di Pantone

E Pantone Color Matching System ta un sistema di reprodukshon di koló standardisá. Te ku 2019, e tabata inkluí 2.161 koló. Dor di standardisá koló, fabrikantenan na diferente lugá por garantisá koló konsistente sin mester di kontakto direkto.

Un aplikashon komun di e sistema ta den standardisá koló pa e proseso di imprenta CMYK. Un sèt spesífiko di koló di Pantone por wòrdu reprodusí ku eksaktitut ku inknan CMYK, i esakinan ta wòrdu marká segun e guianan di Pantone. Sinembargo, desde aña 2000 mas o ménos 30% di e 1.114 koló sólido di Pantone no por wòrdu simulá solamente usando CMYK. En bes di usa CMYK, kolónan sólido ta wòrdu kreá dor di meskla diestres pigmento básiko (dieskuater inkluyendo pretu) den kantidatnan presis, konosí komo koló básiko.

Aunke hopi koló di Pantone ta kai pafó di e gama di koló CMYK, ta te na aña 2001 ku Pantone a kuminsá proveé kolónan digital ekivalente usa riba pantaya. Esakinan ta usa e modelo di koló RGB (kòrá, bèrdè i blou) pa reprodusí koló riba pantayanan elektróniko. Sinembargo, hopi tono di Pantone ta kai pafó di e rango di sRGB.

Koló di Pantone ta wòrdu identifiká pa nan number asigná, tipikamente referí komo, por ehèmpel, "PMS 130". E kolónan aki ta wòrdu usá ampliamente den branding i asta a wòrdu adoptá den legislashon di gobièrnu i normanan militar, partikularmente pa definí e koló di bandera i seyanan ofisial.