Pasqua
|
Quest articol chì l'è scrivud in lombard, con la Noeuva Ortografia Lombarda |
La Pasqua l'è ol dì che ol cristianesim el festesgia la resurrezzion de Gesù Crist e l'è insema al Nedal vuna di dò feste cristiane pussee importante.
Gh'è mia un dì precis per festesgià la Pasqua, de facc la se festesgia intra ol 22 de marz e ol 25 de avrìl. La Pasqua de facc la ghe va dree al calendari lunar e mìa a quell del Sol e l'è semper de dumenega, la prima dumenega depos la prima luna piena de primavera.
La dumenega de Pasqua la riva a la fin de la Setimana Santa che l'è l'ultema setimana de la Quaresma che l'è ol temp de penitenza dedegad a preparàss ai zelebrazzion de la mort e de la resurrezzion de Crist.
L'è tradizzion la dumenega de Pasqua regalà l'oeuv de Pasqua, de solet de cicolad, considerad simbol de vita, quella noeuva del Signor che l'è resussitad.
Ol lunedì de Pasqua, ciamad Lunedì de l'Angel, o pò ol dì de Pasqueta, l'è tradizzion majà oeuv e radicc.
Referimencc
[Modifega | modifica 'l sorgent]Oter progecc
[Modifega | modifica 'l sorgent]
Wikiquote el gh'ha dent citazzion de o su Pasqua
Wikimedia Commons el gh'ha dent imagin o alter archivi su Pasqua