PayPal
.svg?lang=hsb)
PayPal [peɪpæl] ⓘ (jendźelsce, po słowje „płaćenski přećel“, złožujo so na pen pal, „listowy přećel“) je při bursy notěrowany wobhospodar online-płaćenskeje słužby, kotraž hodźi so za zarunanje srjedźnych a małych sumow na přikład při nakupje a předani w online-wikowanju wužiwać. Po swójskich podaćach ma PayPal wjace hač 277 milionow aktiwnych wužiwarjow we wjace hač 200 wikach z móžnosću płaćenja we wjace hač 100 měnach (staw: měrc 2020).[1] Kónc lěta 2020 bě po cyłym swěće 377 milionow kupcow. Nettodobytk we wobchodnym lěće 2020 wučinješe 4,2 miliardźe US-dolarow.[2] Sydło předewzaća je San José, europske dźowče předewzaće je PayPal (Europe) S.à r.l. & Cie, S.C.A. ze sydłom w Luxemburgskej.
Wot lěta 2015 so akcije na NASDAQ wikuja. Předewzaće je wobstatk indeksa S&P 500 a naruna něhdyši maćerny koncern eBay w S&P 100.
Stawizny předewzaća
[wobdźěłać | žórłowy tekst wobdźěłać]
PayPal dźe na zjednoćenje firmow Confinity a X.com w měrcu 2000 wróćo. Confinity bu w decembru 1998 wot Maxa Levchina, Petera Thiela a Luke Noseka w Palo Alto, Kaliforniskej, załoženy. Prěnjotnje bě to firma za płaćenske metody ("reconciling beamed payments") a kryptografiju za palm pilot ze zapłaćenjom přez e-mejlku. X.com je so w měrcu 1999 wot Elona Muska załožiło, tohorunja jako internetny financny posłužbnik ze zapłaćenjom přez e-mejlku.
Wobě firmje měještej swojej běrowaj na University Avenue w Palo Alto a wozjewištej swojej webstronje kónc 1999. Pola Confinity běchu mnozy z prěnich přistajenych bywši sobudźěłaćerjo studentskeje nowiny The Stanford Review, kotraž bu tohorunja wot Petera Thiela załožena. Najwjace z prěnich wuwiwarjow přińdźe wot University of Illinois at Urbana-Champaign, na kotrejž bě jich Max Levchin nawabił. Za X.com rekrutěrowaše Elon Musk šěroki spektrum techniskeho a wobchodniskeho personala, inkluziwnje mnohich, kotřiž běchu najwuši z wobchodnym wuspěchom firmy zwjazani, kaž na přikład Amy Klement, Sal Giambanco, Roelof Botha, Sanjay Bhargava a Jeremy Stoppelman. Mnoholičbni sobuzałožerjo a zažni sobudźěłaćerjo předewzaća, kotřiž pozdźišo druhe wuspěšne předewzaća (YouTube, SpaceX) załožichu, buchu pozdźišo jako PayPal mafija znaći.[3]
Nóžki
[wobdźěłać | žórłowy tekst wobdźěłać]- ↑ PayPal, Inc. - About Us; dowidźane 27. meje 2025 (jendźelsce)
- ↑ Hilža Atzler: Paypal zählt fast 30 Millionen Nutzer in Deutschland. In: Handelsblatt. 24. februara 2021, strona 31.
- ↑ The PayPal Mafia | Fortune In: Fortune. Wotwołana 18. februara 2024 (jendźelsce).
Wotkaz
[wobdźěłać | žórłowy tekst wobdźěłać]
Commons: PayPal – Zběrka wobrazow, widejow a awdiodatajow