Pius I.
Pius I. (* in Aquileia (?); † 155 (?) in Rom) weer Bischop vun Rom (140/142 (?)–155 (?)).
Överleefern un Bedüüden
[ännern | Bornkood ännern]In den Kanon Muratori wurrd Hermas, de Schriever vun dat Wark Der Hirte des Hermas, as Bröer vun den „Pius, Bischof von Rom“ betekent. Hermas weer Slaav un dorum wurrd annommen, dat ok Pius Slaav ween hemm moot. Sien Naam is latiensch un bedüüd „de Fromme“. Den legendarischen Schilderungen vun dat Laatantik Liber Pontificalis nah sall he in Aquileia as Söhn vun en Rufinus boren wurrn ween. He sall Santa Pudenziana baut hemm, de nah de Överleefern öldste Kark vun Rom. Later wurr he as Merteler betekent, aber ok dorför gifft dat kien histoorsch Nahwiesen.
Völ Historiker seecht in hüm den eersten eegentlichen Bischop vun de röömsch Christengemeend, wiel de Monepiskopat in Rom eerst düchtig laat umsett un de röömsch Gemeenden tovör woll kollegial vun Presbytern oder anner Geistlichen leit wurrn, also noch nich en eenzelt Bischop an de Tipp stunn.
Pius hett sück vör allen mit de fröh Gnostiker utnanner sett, vör allen Valentinus, Cerdon un Marcion, den he as Häretiker exkommunizeert hett. He sall de Bestimmung erlaaten hemm, dat Ostern immer an en Sönndag to fiern weer. De wenigen Breef ünner sien Naam hemm sück as Fälschungen herutstellt. Sien Festdag as Hilliger is de 11. Juli.
Literatur
[ännern | Bornkood ännern]- [Georg Denzler: Pius I. In: Biographisch-Bibliographisches Kirchenlexikon (BBKL). Band 7, Bautz, Herzberg 1994, ISBN 3-88309-048-4, Sp. 658–659.
Weblinks
[ännern | Bornkood ännern]
- Indrag in de Catholic Encyclopedia, Robert Appleton Company, New York 1913.
- Gesamtwerk von Migne Patrologia Latina mit Inholtsverteken
| Vörgänger | Amt | Nafolger |
| Hyginus | Bischop vun Rom De Beteknung Paapst geev dat eerst af 384. 140/142–155 |
Anicetus |