Rastrum

Vide etiam paginam discretivam: Rastrum (discretiva).

Rastrum (-i, n., nom. pl. sive -i sive -a) vel raster (-tri, m.)^[1] est instrumentum rusticum dentatum, plerumque ferreum, raro ligneum, quo terra eraditur vel eruitur, ut Varro dicit^[2]; rastris saepe et agri arabantur^[3], ut Vergilius:

...rastris glaebas qui frangit inertes^[4]

vel potius renovantur^[5].

Rastrorum genera

Rastrum simplex capulam longam et unum dentem habet; dens eius saepe rutro similis est vel aliam formam habet, sed semper rursum a capula spectat, ut agricola humum superiorem abscindat et ad se vertat. Saepe rastrum duobus dentibus usurpabatur, quod sic et nominabatur bidens. Cato et rastrum quadridentem memorat^[6]. Rastrum minus sarculum nominabatur, quo et nunc saepe in hortis humus sarcitur.

Historia

Ab aevo mesolithico rastrum notum est; Babylone Enlil deus id invenisse putabatur.

Rastri dens (Petri Breugelii senioris imaginis fragmentum, a. 1559)

Notae

↑ Verisimiliter retroformatio ob plurale neutrale heteroclitum -i.
↑ De lingua Latina, V 136.
↑ Columella, II 11, 4.
↑ Georgica, I 94.
↑ Martialis II 75.
↑ De agri cultura, 10 et 11.

Nexus externi

Haec pagina verba incorporat ex Aegidii Forcellini Lexico Totius Latinitatis, 1775. Versio interretialis

De rastro in Lexico encyclopaedico Brockhaus et Efron (Russice)

[1] Verisimiliter retroformatio ob plurale neutrale heteroclitum -i.

[2] De lingua Latina, V 136.

[3] Columella, II 11, 4.

[4] Georgica, I 94.

[5] Martialis II 75.

[6] De agri cultura, 10 et 11.

[1]

[2]

[3]

[4]

[5]

[6]