Rock
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.
| Supkategoria di | músika popular  |
|---|---|
| Fecha di fundashon òf kreashon | 1948 |
| Nomber kòrtiku | рок |
| Pais di orígen | Reino Uni, Estadonan Uni di Merka |
| Hashtag | Rock |
| Historia | electronics in rock music |
| Praktiká pa | rock musician, rock drummer, banda di rock |
| Lista di tema | list of rock music albums, glossary of rock music vocabulary |
Rock ta un género amplio di músika popular ku a originá na Merka komo rock and roll na fin di añanan 1940 i prinsipio di añanan 1950, desaroyando den un skala di diferente estilo for di meimei di añanan 1960, prinsipalmente na Merka i Reino Uni. E tin su raisnan den rock and roll, un estilo ku a sali direktamente for di e géneronan musikal afromerikano manera blues i rhythm and blues, i tambe for di músika country. Rock tambe a hala fuertemente for di géneronan manera blues eléktriko i folklor, i a inkorporá influensianan di jazz i otro estilonan musikal. Pa instrumentashon, rock ta tipikamente konsentrá riba e kitara eléktriko, normalmente komo parti di un grupo di rock ku kitara baho eléktriko, bateria, i un òf mas kantante. Normalmente, rock ta músika basá riba kantika ku un 4/4 tempu musikal i usando un forma di verso-koro, pero e género a bira sumamente diverso. Meskos ku músika pop, letranan hopi biaha ta enfatisá amor romántiko pero tambe ta atendé un variedat grandi di otro temanan ku ta frekuentemente sosial òf polítiko. Rock tabata e género di músika mas popular na Merka i gran parti di mundu oksidental for di añanan 1950 te ku su dekadensia den añanan 2010.
| Fuente, nota i/òf referensia |