Sly Stone

Sly Stone
Sly Stone med The Family Stone i 2007.
Fødd	15. mars 1943
Fødestad	Denton
Død	9. juni 2025 (82 år)
Dødsstad	Los Angeles
Fødenamn	Sylvester Stewart
Alias	Sly Stone
Opphav	USA
Aktiv	1956–2023
Sjanger	Funk, psykedelisk soul, rock
Instrument	Vokal, klaverinstrument, gitar, bassgitar, munnspel
Tilknytte artistar	Joe Piazza and the Continentals, The Viscaynes, Sly and the Family Stone
Plateselskap	Epic Records, Warner Bros., Cleopatra
Verka som	Songar, låtskrivar, musikar, produsent
Prisar	Grammy Lifetime Achievement Award

Sylvester Stewart (15. mars 1943–9. juni 2025), betre kjend under scenenamnet Sly Stone, var ein USA-amerikansk musikar, låtskrivar og plateprodusent. Han er mest kjend som frontmann i Sly and the Family Stone, som spelte ei viktig rolle i utviklinga av soul, funk, rock og psykedelia i 1960- og 1970-åra.

Stone voks opp i California og meistra fleire instrument i tidleg alder, og spelte gospel som barn med syskena (og framtidige bandkollegaene) Freddie og Rose. I midten av 1960-åra arbeidde han både som plateprodusent for Autumn Records og DJ for radiostasjonen KSOL i San Francisco. I 1966 skipa Stone Sly & the Family Stone, som var blant dei første rasemessige integrerte gruppene i popmusikken med både mannlege og kvinnelege medlemmar. Gruppa fekk hittar som «Dance to the Music» (1968), «Everyday People» (1968), «Thank You (Falettinme Be Mice Elf Agin)» (1969) og «Family Affair» (1971) og kritikarroste album som Stand! (1969) og There's a Riot Goin' On (1971).

I midten av 1970-åra førte dopproblema og den ureknelege oppførselen hans til at gruppa vart oppløyst og han spelte inn ei rekkje, lite suksessrike soloalbum. I 1993 vart han innlemma i Rock and Roll Hall of Fame som medlem av gruppa.

Diskografi

• 1967: A Whole New Thing
• 1968: Dance to the Music
• 1968: Life
• 1969: Stand!
• 1970: Greatest Hits (Inneheld hitsinglar som ikkje finst på andre album: «Everybody Is a Star», «Hot Fun in the Summertime», «Thank You (Falettinme Be Mice Elf Agin)»)
• 1971: There's a Riot Goin' On
• 1973: Fresh
• 1974: Small Talk
• 1975: High on You (berre oppført som «Sly Stone»)
• 1976: Heard Ya Missed Me, Well I'm Back
• 1979: Back on the Right Track
• 1982: Ain't but the One Way
• 2009: The Woodstock Experience (samling av konsertopptak)
• 2011: I'm Back! Family & Friends (berre oppført som «Sly Stone»)

Kjelder

• Denne artikkelen bygger på «Sly Stone» frå Wikipedia på engelsk, den 19. oktober 2020.
  • Wikipedia på engelsk oppgav desse kjeldene:

Bakgrunnsstoff

Commons har multimedium som gjeld: Sly Stone

Offisiell nettstad