Snapchat
Snapchat marupakan aplikasi pasan multimedia nang diulah bubuhan Snap Inc. Aplikasi ini dipakai gasan mangirim foto lawan vidio, tapi isinya ini lakas hilang satalah dilihat ulih si panarima. Snapchat partama kali dikaluarkan tahun 2011 ulih bubuhan Evan Spiegel, Bobby Murphy,lawan Reggie Brown, nang waktu itu masih kuliah di Universitas Standford.[1]
Snapchat
[babak | babak asal-mulanya]Snapchat marupakan layanan bapandiran nang dibuat gasan urang barumur 13 tahun ke atas. Snapchat manawarkan cara nang laju dan manyangkan gasan bapandiran sacara visual lawan kawan wan kaluarga, gasan mambagi momen, wan mambantu urang marasa basamaan maskipun bubuhan urangnya bajauhan. [2]
Snapchat kawa bakawana lawan orang asing, karana Snapchat ngini aplikasi tarkanal di kalangan urang anum lawan urang luar Indunisia. Ada 180 juta urang nang manggunakan aplikasi ini saban hari.
Fitur Utama Snapchat
[babak | babak asal-mulanya]Friend: Pangguna kawa memperluas komunikasi lawan pangguna lain dan kawan-kawanan nang ada di sakitarnya. Amun handak manambahkan kawan, pian harus mangirim permintaan kawan lewat kontak telepon atawa Snapchat Id.
Snaps: Pangguna kawa mangirim foto atawa vidio nang kawa dihiasi lawan filter, efek, teks, mahirip gambar. Snaps ngini kawa mangirim pribadi atawa dibagikan ke fitur "Stories", nang bakal ada salama 24 jam sabalum hilang sorangan.
Chat: Lewat fitur ngini, pangguna kawa mangirim pasan, teks, foto atawa vidio nang otomatis hilang sasudah dilihat. Snapchat juga baisi fitur panggilan vidio gasan bapandiran langsung lawan kawan.
Streaks:Fitur ini maunjuk jumlah hari bakalanjutan dua urang saling mangirim Snaps. Makin lawas streak-nya, makin tinggi angka nang muncul di sabalah nama pangguna.
Profile: Malalui Profile, urang lain kawa malihat username, foto, dan score pian. Skor sandiri itu mamadahi sabarapa rancak pian aktif dalam menggunakan aplikasi Snapchat. Semakin pian aktif, skor pian samakin tambahan.
Story: Fitur ini gasan maandak status foto lawan vidio nang diulah, tapi statusnya kada lawas disimpan karana amun sudah habis 24 jam langsung hilang sorangan foto lawan vidionya.
Lenses sama Filters: Snapchat baisi banyak filter lawan efek augmented reality (AR) nang rancak dipakai gasan meedit foto atawa vidio. Efek-efek ini rancak dihanyari sasuai musim atawa acara nang lagi rami.
Snap Map: Lewat fitur ini, pangguna kawa babagi lokasi buhannya langsung di peta interaktif. Kawa jua maitihi lokasi kawan ataw namuin kagiatan nang lagi berlangsung di sakitar.
Discover: Di bagian ini, ada macam-macam konten dari penerbit, selebriti, sama pangguna lain. Discover ini kawa nampilin barita, hiburan, lawan informasi lain nang kawa disesuaikan lawan minat pangguna. [3]
Referensi
[babak | babak asal-mulanya]- ^ "Apa Itu Snapchat dan Bagaimana Cara Menggunakannya?". kumparan (dalam bahasa Indonesia). Diakses tanggal 2025-03-08.
- ^ "What is Snapchat?". educators.snapchat.com (dalam bahasa Inggris). Diakses tanggal 2025-03-08.
- ^ "Snapchat: Pengertian dan Fitur Terbaik yang Bisa Digunakan". kumparan (dalam bahasa Indonesia). Diakses tanggal 2025-03-08.