Solido
- Iste articlo ye sobre o estau d'a materia. Se veiga solido bizantín ta la moneda.
Solido[1] ye un estau d'a materia que ye caracterizau por un volumen y forma definius; un solido ye resistent a la deformación, a cambiar a suya forma y volumen. Presentan poca tendencia a la dilatación y a la compresión.
O solido ye un estau d'a materia en que as moleculas que la composan, debiu a las fuerzas de cohesión, tienen un movimiento entre ellas muit restrinchiu, limitau a una vibración arredol d'una posición d'equilibrio fixa. Cuan un solido ye formau por moleculas repartidas regularment en o espacio, de manera que ye posible definir un vector constant que permite pasar d'un punto a un atro, se diz que o solido ye un cristal u que ye cristalizau (cuan bi ha un cierto orden, encara que no bi ha una regularidat en o rete, se parla de cuasi-cristal).
Atros tienen os suyos components aleatoriament derramaus por a masa que constituye lo cuerpo y se dicen amorfos, como ye lo caso d'o vidre, a fusta, o nylon, etc. De feito, nomás que los cuerpos cristalins se consideran solidos en o estudio d'iste estau d'agregación d'a materia, mientres que os amorfos son consideraus liquidos de gran viscosidat.[2]
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (ca) Estat sòlid, en a Gran Enciclopèdia Catalana, Enciclopèdia Catalana, SAU.
Datos: Q11438
Multimedia: Solids (matter) / Q11438